បន្ទាប់ពីទីផ្សារប្រទេសកំណើតខ្លួន សហរដ្ឋអាមេរិចគឺជាទីផ្សារបន្ទាប់ដែលរថយន្ត Hyundai Kona ឆ្នាំ២០២២ នឹងមានវត្តមាន ជាមួយជម្រើសម៉ាស៊ីនសាំង និងជម្រើសអគ្គិសនីសុទ្ធ។
ប្រៀបធៀបជាមួយនិងម៉ួឌែលមុន Hyundai Kona ឆ្នាំ២០២២ គឺមានការផ្លាស់ប្តូរតិចតួចប៉ុណ្ណោះ។ ចំណុចដំបូងដែលបានផ្លាស់ប្តូរគឺ ប៉ាណាខាងមុខ មានទំហំធំជាងមុន, ផ្លាស់ប្តូរ Internal stripes, កាងមុខ ត្រូវបានទម្លាក់អោយទាបជាងមុន, ឌីស្សាញថ្មីទៅលើប្រព័ន្ធភ្លើង, បំពាក់ជាមួយកង់ទំហំ ១៦-១៨អ៊ីញថ្មី, អេក្រង់បង្ហាញទំហំ ១០,២៥អ៊ីញ និងអេក្រង់កម្សាន្តទំហំ ៨អ៊ីញ ដែលអាចភ្ជាប់ជាមួយមុខងារ Android Auto និង Apple Carplay។
Hyundai Kona ២០២២ បំពាក់មកជាមួយម៉ាស៊ីនចំណុះ ២,០ លីត្រ ៤ ស៊ីឡាំងដែលផលិតកម្លាំងបាន ១៤៧ សេះនិងកម្លាំងបង្វិល ១៧៩ Nm។ សម្រាប់ប្រភេទ Kona Limited និង Kona N Line ពាក់មកជាមួយម៉ាស៊ីនចំណុះ ១,៦ លីត្រ ៤ ស៊ីឡាំងដែលផលិតកម្លាំងបាន ១៩៥ សេះនិងកម្លាំងបង្វិល ២៦៤ Nm ដំណើការដោយប្រអប់លេខ ៧វគ្គអូតូ ប្រភេទ Dual-clutch។
និង Hyundai Kona ២០២២ ប្រភេទអគ្គិសនីសុទ្ធ គឺផ្នែកខាងមុខវា ពុំមានប៉ាណាឡើយដោយ ដោយជំនួសដោយរន្ធសាកថ្ម។ សម្រាប់ Kona ប្រភេទអគ្គិសនីសុទ្ធនេះ ប្រើម៉ូទ័រអគ្គិសនីដែលមានកម្លាំង ២០១ សេះនិងកម្លាំងបង្វិល ៣៩៥ Nm ភ្ជាប់ជាមួយកញ្ចប់អាគុយទំហំ ៦៤ kWh ដែលអាចបើកបរបានចម្ងាយប្រហែល ៤១៥គីឡូម៉ែត្រ។ ហើយអាចសាកពីកម្រិតថ្ម ១០ភាគរយទៅ ៨០ភាគរយ ក្នុងរយៈពេលតែ ៤៧ នាទី ប្រសិនបើប្រាស់ឆ្នាំងសាកលឿន DC៕
