ក្រុមហ៊ុន Volkswagen បានប្រកាសពីតម្លៃនៃរថយន្ត Golf GTI ស៊េរីឆ្នាំ២០២២ ថ្មីរបស់ខ្លួនជាផ្លូវការ ដែលនឹងមានតម្លៃចាប់ពី ២៩ ៥៤៥ដុល្លារ នៅលើទីផ្សារសហរដ្ឋអាមេរិក។
រថយន្ត Volkswagen Golf GTI ឆ្នាំ២០២២ ដែលលក់នៅសហរដ្ឋអាមេរិក នឹងផ្តល់ជម្រើសចំនួន ៣ ម៉ូដែល គឺ GTI S, GTI SE និង GTI Autobahn។ គ្រប់ម៉ូដែលទាំង ៣ នេះ នឹងប្រើប្រអប់លេខដៃមកស្តង់ដារ ខណៈប្រអប់លេខអូតូ ៧វគ្គ DSG នឹងជា Option។
ផ្ទាំងផ្សាយពាណិជ្ជកម្ម
Golf GTI ឆ្នាំ២០២២ បំពាក់ម៉ាស៊ីនចំណុះ ២,០លីត្រ ទំហំ ៤ស៊ីឡាំង ដែលបង្កើតកម្លាំងបាន ២៤១សេះ និងកម្លាំងរមួល ៣៧០ញ៉ូតុនម៉ែត្រ។
រថយន្តខ្នាតតូចនេះមានបំពាក់ចង្កៀងមុខ LED, អំពូល DRL, កុងទ័រឌីជីថលទំហំ ១០,២៥អ៊ីញ និងអេក្រង់កម្សាន្តដល់ទំហំ ១០អ៊ីញ ព្រមទាំងប្រព័ន្ធភ្លើងបំភ្លឺក្នុងកាប៊ីន Ambient Lighting ៣០ពណ៌ទៀតផង៕
ផ្ទាំងផ្សាយពាណិជ្ជកម្ម
