[ទីផ្សារបរទេស] ក្រុមហ៊ុន Yamaha បានធ្វើការដាក់លក់នូវម៉ូតូ MT-150 Ver2.0 ស៊េរីឆ្នាំ ២០២២ ជាផ្លូវការនៅក្នុងប្រទេសឥណ្ឌា ដែលមានតម្លៃចាប់ពី ២ ០៩៤ ដល់ ២ ០៩៩ ដុល្លារ ជាមួយនឹងជម្រើស ៤ ពណ៌ដូចជា Metallic Black, Ice-Fluo Vermillion, Cyan Storm និង Racing Blue ។
ម៉ូតូ MT-150 Ver2.0 បានប្រើប្រាស់ម៉ាស៊ីនសាំង SOHC ទំហំ ១ស៊ីទ្បាំង ប្រព័ន្ធស្អំប្រេង Liquid-cooled ចំណុះ ១៥៥សេសេ ផលិតកម្លាំង ១៨សេះ និងកម្លាំងរមួល ១៤ញ៉ូតុនម៉ែត្រ។ ហើយអ្វីដែលពិសេសនោះគឹម៉ូតូនេះបានបំពាក់នូវប្រព័ន្ធហ្វាំ្រង ABS នៅកង់ខាងមុខកម្រិតស្តង់ដាររបស់ក្រុមហ៊ុន Yamaha ផងដែរ។
ម៉ូតូ MT-150 Ver2.0 ទទួលបានឌីហ្សាញបែបស្ព័រដោយចង្កៀងមុខ Mono Focus តែមួយគត់, អេក្រង់ឌីជីថល Nagative-LED ថ្មីជាមួយនឹង Y-Connect អាច incoming ឬ outgoing call អាចទទួលបានការផ្ងើសារ និង អ៊ីមែលសម្រាប់បង្ហាញអំពីកម្រិតថ្មទូរស័ព្ទជាដើម។
សូមបញ្ជាក់ថាយើងមិនទាន់ដឹងច្បាស់នៅទ្បើយទេអំពីម៉ូតូ MT-150 Ver2.0 ដែលនឹងត្រៀមចេញលក់នៅលើទីផ្សារតំបន់អាស៊ាន៕
