រថយន្ត Mazda 3 បានឈ្នះពានរង្វាន់ 2019 Women’s World Car of the Year ដោយយកឈ្នះលើគូប្រជែង ដូចជា Audi e-Tron Quattro, G20 BMW 3 Series, Tesla Model 3 និង Volvo S60។
ជាមួយគ្នានេះ រថយន្ត Mazda 3 ជំនាន់ទី៤ ក៏បានឈ្នះពានរង្វាន់ Family Car of the Year នៅក្នុងកម្មវិធី COTY Awards ដែលបានធ្វើឡើងនៅទីក្រុងឌុយបៃ ក្នុងព្រឹត្តិការណ៍ Dubai International Motor Show។
ក្រៅពីនោះ រថយន្ត Kia XCeed បានឈ្នះពានរង្វាន់ Urban Car award, រថយន្ត Kia Soul EV ឈ្នះពានរង្វាន់ Green Car of the Year, រថយន្ត BMW 8 Series ឈ្នះពានរង្វាន់ Luxury Car of the Year និង Porsche ឈ្នះពានរង្វាន់ Performance Car of the Year ហើយ Range Rover Evoque ឈ្នះពានរង្វាន់ SUV/Crossover of the Year។
ពានរង្វាន់ Women’s World Car of the Year ត្រូវបានបង្កើតឡើងក្នុងឆ្នាំ២០១០ ដោយបោះឆ្នោតតាមរយៈមេប្រយោគស្រីមកពី ៣០ប្រទេសខុសៗគ្នា។ ការបោះឆ្នោតត្រូវបានធ្វើឡើងលើលក្ខណៈវិនិច្ឆ័យទូទៅសម្រាប់មនុស្សស្រីនៅពេលទិញរថយន្ត ដូចជា សុវត្ថិភាព, តម្លៃ, រូបរាង, កន្លែងផ្ទុកឥវ៉ាន់, ងាយស្រួលសម្រាប់ក្មេង, ពណ៌ និងងាយស្រួលបើកបរជាដើម៕
