![1](https://camboauto.com/wp-content/uploads/2019/12/1-15-696x461.jpg)
McLaren បានប្រកាសចេញរថយន្តស្ព័រម៉ូដែលថ្មី ហៅថា 620R ដែលនឹងផលិតមានចំនួនកំណត់ នៅដើមឆ្នាំក្រោយ។
McLaren បានហៅ 620R ថាជារថយន្តប្រណាំងដែលអាចបើកតាមផ្លូវសាធារណៈស្របច្បាប់ ដោយសារតែវាបានប្រើតួខ្លួន និងផ្នែករឹង Aerodynamic ពីរថយន្តប្រណាំង McLaren 570S GT4 ច្រើន។ ជាមួយគ្នានេះ McLaren អះអាងថា 620R នៅតែរក្សា DNA ជារថយន្តប្រណាំងដដែល។
រថយន្ត McLaren 620R មានកម្លាំងរហូតដល់ទៅ ៦១២សេះ ដែលអាចឲ្យវារត់ពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេលត្រឹម ២,៩វិនាទី ហើយមានល្បឿនអតិបរមាដល់ ៣២០គីឡូម៉ែត្រក្នុងមួយម៉ោង។
620R មាន ៣ពណ៌ឲ្យជ្រើសរើស ហើយនឹងត្រូវផលិតត្រឹម ៣៥០គ្រឿងប៉ុណ្ណោះ ជាមួយនឹងតម្លៃចាប់ពី ៣៣០ ០០០ដុល្លារលើទីផ្សារបរទេស៕