[បរទេស] កាលពីពេលថ្មីៗ កន្លងទៅនេះ រថយន្តច្រើនជាង ១១ គ្រឿងបានរងការខូចខាត និងបំផ្លាញដោយអគ្គីភ័យឆាបឆេះនៅក្នុងចំណតរថយន្តនៃកីឡដ្ឋាន Hard Rock ក្នុងទីក្រុង Miami Gardens រដ្ឋ Florida បន្ទាប់ពីភាគីខាងរថយន្តបើកទ្វារឃ្លុបក្រោយអាំងសាច់ BBQ ខុសបច្ចេកទេស។
នៅពេលដែលអ្នកគាំទ្រត្រៀមខ្លួនសម្រាប់ការទស្សនាការប្រកួតរវាង Dolphins v Patriots អ្នកចូលរួមម្នាក់បានដុតភ្លើងសម្រាប់ពិធីជប់លៀងនៅឃ្លុបខាងក្រោយនៃរថយន្ត ប៉ុន្តែភ្លេចបិទវានៅពេលការប្រកួតបានចាប់ផ្តើម។
ជាមួយគ្នានេះ យោកតាមគេហទំព័រ SB Nation បានរាយការណ៍ថា ផ្សែងខ្មៅយ៉ាងក្រាស់បានចាប់ផ្តើមបក់ពាសពេញកីឡដ្ឋាន ហើយខណៈពេលដែលក្រុមពន្លត់អគ្គីភ័យក្នុងតំបន់បានមកដល់កន្លែងកើតហេតុប ប៉ុន្តែពួកគេបានមកដល់យឺតពេលដើម្បីជួយសង្គ្រោះរថយន្ត។ ក្នុងចំណោមរថយន្តដែលត្រូវអគ្គិភ័យឆាបឆេះនោះរួមមាន Toyota Prius, Lexus RX, Nissan Sentra និងរថយន្ត Pickup យ៉ាងហោចណាស់មួយគ្រឿង។ រថយន្តថ្លៃបំផុតដែលត្រូវភ្លើងឆាបឆេះនោះគឺ Mercedes-AMG S 63។
Several cars catch fire outside Hard Rock Stadium during Dolphins-Patriots game.
Witnesses say a grill was left on from tailgating. pic.twitter.com/syTiwTNvZS
— Parker Branton (@ParkerBranton) September 12, 2022
អ្នកគាំទ្រ Dolphins បានប្រាប់គេហទំព័រ WSVN ថា “យើងកំពុងឈរនៅទីនេះ យើងទាំងអស់គ្នាមានពេលវេលាដ៏អស្ចារ្យ ហើយបានឃើញផ្សែងខ្មៅខ្លាំងនៅទីនោះ” ។ ទន្ទឹមនឹងនេះ គេនៅមិនទាន់ដឹងថាតើរថយន្តរបស់បុគ្គលនោះត្រូវបំផ្លាញឬក៏អត់នោះទេ។ ទោះបីជាយ៉ាងណាក៏ដោយ ពួកគេទំនងជានឹងជួបបញ្ហាហិរញ្ញវត្ថុយ៉ាងខ្លាំងក្នុងការដោះស្រាយជាមួយក្រុមហ៊ុនធានារ៉ាប់រងរៀងៗខ្លួនទាំងអស់នៃរថយន្តដែលត្រូវបានឆេះ។
My boy was at Dolphins Pats game and I was told someone left a grill on by a vehicle Unfortunately here is the result pic.twitter.com/rBW3nR7bJg
— Miami Mando 🙌🏝🏈⚾️🏀🥊 (@LakersCanes305) September 11, 2022
សេចក្តីថ្លែងការណ៍ពីអ្នកនាំពាក្យកីឡដ្ឋាន Hard Rock បានឲ្យដឹងថា “ម៉ោងប្រហែល ១ រសៀល ភ្លើងឆេះរថយន្តបានចាប់ផ្ដើមនៅចំណតរថយន្ត Hard Rock Stadium ដាច់ស្រយាលមួយ ដោយរថយន្តជាច្រើនបានរងផលប៉ះពាល់” ។ បន្ថែមពីនេះ នាយកដ្ឋានប៉ូលីស Miami Dade និង Miami Dade Fire Rescue ស្ថិតនៅកន្លែងកើតហេតុ បានបង្ហាញថា ភ្លើងត្រូវបានពន្លត់ហើយ និងកំពុងត្រូវបានស៊ើបអង្កេតដោយភ្នាក់ងារពន្លត់អគ្គិភ័យ។ គ្មានអ្នករបួសត្រូវបានគេរាយការណ៍ទេ ហើយក៏មិនមានការគំរាមកំហែងដល់កីឡដ្ឋានដែរ៕
