MG គឺជាម៉ាកយីហោរបស់ចក្រភពអង់គ្លេស និងបានបង្កើតឡើងតាំងពីឆ្នាំ១៩២៤មកម្លេះ ហើយឥឡូវនេះម៉ាកយីហោមួយនេះបានធ្វើឱ្យប្រជាជនកម្ពុជាទទួលស្គាល់ពីគុណភាព និងភាពទំនើបរបស់រថយន្ត MG ហើយបានក្លាយជាម៉ាករថយន្តចំណាត់ថ្នាក់លេខ ៣ នៅក្នុងទីផ្សាររថយន្តនៃប្រទេសកម្ពុជា។ ក្រុមហ៊ុន MG បាននាំចូលរថយន្តជាច្រើនប្រភេទដូចជា ប្រភេទរថយន្តគ្រួសារ Crossover, ស៊ីឌាន និង ប្រភេទ SUV ខ្នាតតូច&ធំ។ ចាប់តាំងពីការបង្ហាញវត្តមានលើកដំបូងរបស់ MG នៅក្នុងប្រទេសកម្ពុជា ពួកគេបានផ្តល់នូវតម្លៃដ៏សមរម្យនៃរថយន្តថ្មី ដែលបានធ្វើឱ្យម៉ាកយីហោ MG តែងតែស្ថិតក្នុងចិត្តអ្នកប្រើប្រាស់រថយន្តជាមួយតម្លៃដ៏ល្អបំផុត និងរថយន្តថ្មីទំនើប។
យ៉ាងណាមិញ ប្រសិនបើយើងនិយាយអំពីរថយន្តស្ព័រដែលមានតម្លៃល្អជាងគេនៅក្នុងប្រទេសកម្ពុជា យើងនឹងគិតដល់រថយន្ត MG6 មុនគេ ព្រោះតម្លៃរបស់វាពិតជាពិសេស ដោយចំណាយចាប់ពី ៣២ ៩៩០ តែប៉ុណ្ណោះ ហើយពិតជាតម្លៃល្អបំផុតបើប្រៀបធៀបទៅនឹងប្រភេទរថយន្ត sedan ដទៃដែលជាដៃគូរប្រកួតប្រជែង។ រថយន្ត MG6 បានក្លាយជារថយន្តលំដាប់កំពូលទី១ នៃរថយន្តប្រភេទ sedan ដែលមានការរចនាបែបស្ព័រយ៉ាងទាក់ទាញដូចទៅនឹងរថយន្តតម្លៃថ្លៃៗ ហើយរថយន្តម៉ូឌែលនេះកាន់តែលេចធ្លោ និងពេញនិយមសម្រាប់អ្នកដែលចូលចិត្តរថយន្តស្ព័រ និងអ្នកដែលចូលចិត្តបង្ហាញពីស្ទីលផ្ទាល់ខ្លួនជាមួយរថយន្តថ្មីដែលប្រកបដោយទំនុកចិត្តបំផុតក្នុងការបើកបរ។
ហេតុអ្វីបានជារថយន្ត MG6 ក្លាយជារថយន្តដែលលក់ដាច់ជាងគេក្នុងប្រទេសកម្ពុជាសម្រាប់ប្រភេទស៊ីឌាន? រថយន្ត MG 6 បានឈ្នះគូប្រកួតប្រជែងរបស់ពួកគេនៅលើទីផ្សារជាមួយនឹងចំណុចពិសេសនិងភាពទំនើបជាច្រើនដូចជា: ទំហំចន្លោះនៃកន្លែងដាក់ជើងពិតជាធំទូលាយប្រមាណជាង ៤២៤L ដល់ ១១៧០L ដែលទំហំនេះសឹងតែធំប្រហាក់ប្រហែលដូចទៅនឹងរថយន្តប្រភេទSUV ចឹង ដែលអនុញ្ញាត្តិឱ្យអ្នកបើកបរ និងអ្នករួមដំណើរអាចទទួលបាននូវផាសុកភាពខ្លាំងបំផុត។ បន្ថែមលើសពីភាពធំទូលាយនៃផ្នែកខាងក្នុង វាក៏មានលក្ខណៈពិសេសជាច្រើនទៀតដូចជា កាប៊ីនខាងក្នុងបំពាក់ដោយពូកស្បែកសុទ្ធពណ៌ឈើរីយ៉ាងទាន់សម័យ និងប្រណីតដែលលោកអ្នកនឹងទទួលបាននូវអារម្មណ៏ថ្មីប្លែកក្នុងការអង្គុយធ្វើដំណើរ ឬសម្រាកលំហែនៅលើរថយន្ត MG6។
ម្យ៉ាងវិញទៀត ដំណើរការដ៏ល្អរបស់រថយន្ត MG6 គឺការបំពាក់នូវបច្ចេកវិទ្យាថ្មីនៃម៉ាស៊ីនសាំងតួបូចំណុះ 1.5T ដែលផ្តល់ថាមពលខ្លាំងរហូតដល់ ១៦៩hp និងកម្លាំងរមួល ២៥០Nm ពិតជាងាយស្រួលក្នុងការវ៉ារជែងជាមួយសំទុះល្អ។ ថែមទាំងមានការសន្សំសំចៃខ្ពស់លើថ្លៃបង់ពន្ធផ្លូវ និងការការស៊ីប្រេងឥន្ធនៈទាបទៀតផង។ ម៉ូឌែលនេះពិតជាធ្វើឱ្យអ្នកប្រើប្រាស់ពេញចិត្តជាខ្លាំង។
ជាពិសេសនោះរថយន្ត MG 6 ក៏បានភ្ជាប់មកជាមួយនូវការរចនាដ៏ល្អបំផុតសម្រាប់រូបរាងផ្នែកខាងក្រៅ និងខាងក្នុងដែលងាយស្រួលដល់ម្ចាស់រថយន្តក្នុងការលេងស្ទីលឬប្ដូរស្ទាយតាមចំណូលចិត្តដូចជាការលេងកាងមុខក្រោយ ឬការលេងស្ទីលជាមួយតួរថយន្តជាដើម ដែលជាហេតុធ្វើឱ្យរថយន្ត MG6 បានក្លាយជាជម្រើសដ៏ល្អបំផុតសម្រាប់ សហគ្រិនវ័យក្មេង, អ្នករ៉េប rapper, អ្នកចូលចិត្តរថយន្តប្រភេទប្រណាំង, ម្ចាស់អាជីវកម្ម, និងសម្រាប់គ្រួសារសម័យថ្មី ឬគូស្នេហ៍ដ៏ផ្អែមល្ហែមជាដើម ។ល។ លោកអ្នកអាចអញ្ផើញមកទទួលយកនូវបទពិសោធន៏ថ្មី ឬស្វែងយល់បន្ថែមពីលក្ខណៈពិសេសនៃការបើកបរជាមួយរថយន្ត MG6 នៅអគារតាំងបង្ហាញរថយន្តMG ទាំង២សាខាបានយ៉ាងរីករាយ៕
