បន្ទាប់ពីក្រុមហ៊ុនផលិតរថយន្ត Hyundai បានធ្វើការដាក់បង្ហាញចេញជាផ្លូវការនៅរថយន្ត Hyundai Ioniq 5 N ដែលជារថយន្តអគ្គិសនីសុទ្ធដំបូងគេរបស់ Hyundai N division នៅទីផ្សារសហរដ្ឋអាមេរិក ខណៈពេលនេះ រថយន្តនេះគ្រោងនឹងមានវត្តមាននៅទីផ្សារប្រទេសនៅក្នុងឆ្នាំ ២០២៤ ផងដែរ ។
Hyundai Ioniq 5 N ត្រូវបានផលិតឡើងនៅលើគ្រោងឆ្អឹង E-GMP platform ដំណើរការដោយម៉ូទ័រអគ្គិសនីចំនួន ២ អាចផលិតកម្លាំងបាន ៦៥០ សេះ និងកម្លាំងរមួល ៧៤០ ញ៉ូតុនម៉ែត្រ ភ្ជាប់ដោយប្រអប់លេខ Dual-clutch ៨វគ្គ ផ្គួបជាមួយអាគុយទំហំ ៨៤ គីឡូវ៉ាត់ម៉ោង ប្រភេទបើកបរប៉ុង ២ អាចរត់ស្ទុះពីកុងទ័រ ០-១០០ គីឡូម៉ែត្រ/ម៉ោង ប្រើរយៈពេល ៣,៤ វិនាទី គាំទ្រដោយឆ្នាំងសាកល្បឿនលឿនអាចសាកពី ០-៨០% ចាយពេលតែ ១៨ នាទីប៉ុណ្ណោះ ខណៈការបើកបរប្រើថាមពលអគ្គីសនីនៅមិនដឹងនៅឡើយទេ ។
សម្រាប់រថយន្តនេះមានទំហំធំជាងម៉ូដែលស្តង់ដារ ៤០ ម.ម វែងជាង ៨០ ម.ម និងមានកំពស់ពីដីទៅបាតរថយន្ត ២០ ម.ម ដោយនៅផ្នែកខាងមុខមានរន្ធខ្យល់រាងជាសំណាញ់ទំហំ ចង្កៀងមុខ-ក្រោយ LED ព្រមទាំងថាសកង់ស្ព័រទំហំ ២១ អ៉ីញជាមួយដុំហ្វ្រាំងថ្មីផងដែរ ។ យ៉ាងណាមិញ មានតែរងចាំមើលទាំងអស់គ្នា ៕
