[បរទេស] ក្រុមហ៊ុន CATL ដែលជាក្រុមហ៊ុនយក្សនៅក្នុងឧស្សាហកម្មផលិតថ្មសម្រាប់រថយន្តអគ្គិសនី បានបញ្ចេញនៅអាគុយថ្មីមួយដែលមានឈ្មោះថា Shenxing Plus ស្ថិតនៅក្នុងស៊េរី LFP (Lithium FerroPhospate) មានតម្លៃទាប និងបើកបរបានចម្ងាយឆ្ងាយ ហើយត្រូវតាមស្តង់ដារ 4C ដោយសាកថ្មត្រឹម ១០នាទី អាចបើកបរបានចម្ងាយ ៦០០ គីឡូម៉ែត្រ ។
ក្នុងនោះ CATL ក៏បានអភិវឌ្ឍ self-developed Honeycomb 3D ដើម្បីបង្កើនដង់ស៊ីតេថាមពលនៅលើ anode ក៏ដូចជាគ្រប់គ្រងការសាកថ្ម នឹងបានប្រើប្រាស់បច្ចេកវិទ្យា Cell To Body 3.0 អាចជួយដល់កញ្ចប់អាគុយ Shenxing Plus បង្កើនសមត្ថភាពបានប្រសិទ្ធភាព ៧% បន្ថែមទៀត។ លើសពីនេះ CATL អះអាងថា ខ្សែថ្មថ្មីរបស់ខ្លួនអាចជួយរថយន្តអគ្គិសនីឈានដល់ចម្ងាយប្រតិបត្តិការអតិបរមា ១ពាន់គីឡូម៉ែត្រ នឹអាចសាកបានដល់ ១០០% ក្នុងរយៈពេលត្រឹមតែ ១៥ នាទីប៉ុណ្ណោះ។
ទោះជាយ៉ាងណាក៏ដោយ ថ្ម LFP នៅតែមានភាពខ្សោយបើប្រៀបធៀបទៅនឹងអាគុយ Nickel-Manganese-Cobalt (NMC) បើយោងតាមក្រុមហ៊ុន Mayfield Energy ដង់ស៊ីតេថាមពលជាមធ្យមនៃអាគុយ NMC គឺប្រហែល ១៣០ ដល់ ២២០ វ៉ាត់ម៉ោង/គីឡូក្រាម ខណៈពេលដែលដង់ស៊ីតេថាមពលជាមធ្យមទូទៅនៅលើអាគុយ LFP គឺត្រឹមតែប្រហែល ៩០ ដល់ ១២០ វ៉ាត់ម៉ោង/គីឡូក្រាមប៉ុណ្ណោះ ៕
