ក្រុមហ៊ុន Nio បានប្រកាសថា ពួកគេមានគម្រោងនឹងណែនាំរថយន្តម៉ូដែលថ្មីប្រភេទ Plug-in Hybrid Electric Vehicle (PHEV) ដំបូងរបស់ខ្លួន ដែលនឹងប្រើប្រាស់នូវម៉ាកយីហោរបស់ក្រុមហ៊ុន Firefly ក្នុងឆ្នាំ២០២៦ និងផ្តោតសំខាន់លើទីផ្សារអន្តរជាតិមួយចំនួនដូចជា មជ្ឈិមបូព៌ា អាហ្វ្រិកខាងជើង និងអឺរ៉ុប។
ការសម្រេចនេះ បានកើតឡើងបន្ទាប់ពីការប្រឹក្សាពីក្រុមហ៊ុន CYVN Holdings ដែលជាអ្នកវិនិយោគធំរបស់ Nio ដើម្បីបង្កើនទីផ្សារលក់រថយន្តរបស់ពួកគេ បន្ទាប់ពីការលក់រថយន្តអគ្គិសនីសុទ្ធរបស់ពួកគេហាក់ដូចជាមិនកើនឡើងខ្ពស់។
ចំពោះការចេញលក់ម៉ូដែលថ្មីនេះ មានគោលបំណងដើម្បីដោះស្រាយបញ្ហាមួយចំនួនដូចជា ការពន្យារពេលនៅក្នុងការអភិវឌ្ឍស្ថានីយសាកថ្ម (ធ្លាប់ប្រកាសគម្រោងបង្កើតស្ថានីយស្ថានីយសាកថ្មរថយន្តអគ្គិសនីចំនួន ១២០កន្លែង នៅក្នុងតំបន់អឺរ៉ុបមុនចុងឆ្នាំ២០២៣ ប៉ុន្តែពេលបច្ចុប្បន្ននេះ Nio មានស្ថានីយសាកថ្មត្រឹមតែ ៥៧ កន្លែងប៉ុណ្ណោះនៅក្នុងប្រទេសនៅក្នុងតំបន់អឺរ៉ុប) និងដើម្បីកាត់បន្ថយការចំណាយអំពីការរឹតបន្តឹងពន្ធរបស់សហភាពអឺរ៉ុប៕
