[បរទេស] ក្រុមហ៊ុនស្មានហ្វូត Xiaomi បានធ្វើការប្រកាសថាខ្លួនបានចែកចាយរថយន្តអគ្គិសនីជាង ២៩ ០០០ គ្រឿងក្នុងខែមីនា ឆ្នាំ ២០២៥ ដែលបង្កើតកំណត់ត្រាប្រចាំខែថ្មីមួយ និងបានប្រកាសថាខ្លួនបានចែកចាយរថយន្តគ្រឿងទី ២០០ ០០០ ត្រឹមរយៈពេល ១ឆ្នាំប៉ុណ្ណោះ បន្ទាប់ពីការដាក់រថយន្តអគ្គីសនីដំបូងនៅក្នុងប្រទេសចិន។
ក្នុងនោះ ជាមួយចំនួននេះ សម្រាប់ក្រុមហ៊ុន Xiaomi គឺជាខែទី ៦ ជាប់គ្នាដែលមានការចែកចាយរថយន្តបានច្រើនជាង ២០ ០០០ គ្រឿង។ មិនត្រឹមតែប៉ុណ្ណោះ Xiaomi មានគោលដៅប្រចាំឆ្នាំសម្រាប់ឆ្នាំ ២០២៥ ដែលត្រូវលក់រថយន្តឲ្យបានចំនួនត្រឹម ៣៥០ ០០០ គ្រឿង។
ផ្ទាំងផ្សាយពាណិជ្ជកម្ម
គួរបញ្ជាក់ផងដែរថា ក្រុមហ៊ុន Xiaomi បានចាប់ផ្តើមដាក់លក់រថយន្តដំបូងរបស់ខ្លួននៅខែមីនា ឆ្នាំ ២០២៤ ហើយការចែកចាយបានចាប់ផ្តើមនៅក្នុងខែមេសា ដោយគិតមកដល់ខែមិនា ឆ្នាំ ២០២៥ លក់បានចំនួនសរុបដល់ទៅ ២១៥ ១១២ គ្រឿង ៕
ផ្ទាំងផ្សាយពាណិជ្ជកម្ម
