Audi ចាប់ផ្ដើមដេញតាម Tesla ហើយ!

លោក​ Herbert Diess ប្រធាន​សម្ព័ន្ធ Volkswagen Group បាន​​បង្ហើប​អំពី​ព័ត៌មាន​គួរ​ឲ្យ​ចាប់​អារម្មណ៍​មួយ​ចំនួន​អំពី​​ផែនការ​អនាគត​រថយន្ត​របស់ Audi ក្នុង​កិច្ច​ប្រជុំ​ប្រចាំ​ឆ្នាំ​របស់​សម្ព័ន្ធ។

ជា​ដំបូង​លោក Herbert បាន​បញ្ជាក់​ថា​រថយន្ត​ e-tron GT នៅ​ដំណើរ​ការ​តាម​ការ​គ្រោង​ទុក និង​កំណត់​ថា​ចាប់​ផ្ដើម​ចូល​រោងចក្រ​ផលិត​នៅ​ចុង​ឆ្នាំ ២០២០ នេះ។ ​នៅ​ឆ្នាំ ២០២១ នឹង​មាន​ការ​បង្ហាញ​ចេញ​រថយន្ត Q4 e-tron និង Q4 Sportback e-tron ដែល​អាច​បើកបរ​បាន​ចម្ងាយ ៤៥០​គីឡូម៉ែត្រ ពេល​សាក​ភ្លើង​ពេញ។

ផ្ទាំងផ្សាយពាណិជ្ជកម្ម

បន្ថែម​ពី​នេះ​លោក Herbert ក៏​បាន​ប្រាប់​អំពី​គម្រោង​ការ​ Artemis របស់​ក្រុមហ៊ុន​ផង​ដែរ។ លោក​បាន​និយាយ​ថា​គម្រោង​ការ​ Artemis គឺ​មាន​ន័យ​ថា​ Audi បាន​ចាប់​ផ្ដើម​ការ​ប្រណាំង​ប្រជែង​ជា​មួយ Tesla ជា​ផ្លូវ​ការ ដោយ​មាន​ក្រុម​អ្នក​ជំនាញ​តូច​មួយ​កំពុង​សិក្សា​លើ​រថយន្ត​អគ្គិសនី​ជំនាន់​ថ្មី។ រថយន្ត​អគ្គិសនី​អនាគត​របស់ Audi អាច​បង្ហាញ​មុខ​លឿន​បំផុត​នៅ​ក្នុង​ឆ្នាំ ២០២៤។៕​

ផ្ទាំងផ្សាយពាណិជ្ជកម្ម