Audi A6 Allroad ឆ្នាំ២០២០ ចេញតម្លៃលក់ផ្លូវការ ខ្ទង់៦ម៉ឺនដុល្លារ

Audi បានប្រកាសតម្លៃលក់ជាផ្លូវការនៃរថយន្ត A6 Allroad ស៊េរីឆ្នាំ២០២០ លើទីផ្សារសហរដ្ឋអាមេរិក ដោយបែកចែកជា ២ប្រភេទ គឺ A6 Allroad Plus និង A6 Allroad Prestige ដែលមានតម្លៃចាប់ពី ៦៥ ៩០០ដុល្លារ។

ជាមួយគ្នានេះ Audi ក៏ផ្តល់កញ្ចប់ Option “20th Anniversary Edition package” ដែលផ្តល់ការរចនាដ៏ពិសេស រួមទាំងពណ៌បៃតង Gavial Green ទៀតផង។ A6 Allroad បានបំពាក់ប្រព័ន្ធបូមខ្យល់មកស្តង់ដារ ហើយអាចសារ៉េម៉ូដបើកបរដល់ទៅ ៦ ងាយស្រួលគ្រប់គ្រងការបើកបរ លើគ្រប់ស្ថានភាពផ្លូវតែម្តង។

ផ្ទាំងផ្សាយពាណិជ្ជកម្ម

កាប៊ីនផ្នែកខាងក្នុងរបស់ Audi A6 Allroad ឆ្នាំ២០២០ មានបំពាក់កៅអី និងចៃចង្កូតស្បែកមានមុខងារកម្តៅ, ប្រព័ន្ធម៉ាស៊ីនត្រជាក់ Four-zone Climate Control, អេក្រង់ MMI Touch Response ភ្លោះ, មុខងារ HVAC Control និង ប្រព័ន្ធសំឡេង Bang & Olufsen 3D Premium Audio ជាដើម។

រថយន្តនេះបំពាក់ម៉ាស៊ីនចំណុះ ៣,០លីត្រ TFSI Turbocharged ទំហំ ៦ស៊ីឡាំង មានកម្លាំង ៣៣៥សេះ ហើយក៏មានបច្ចេកវិទ្យា Mild-hybrid ដែលជួយសន្សំសំចៃបានមួយកម្រិតទៀតផងដែរ។ ម៉ាស៊ីននេះដំណើរការជាមួយប្រអប់លេខអូតូ ៧វគ្គ dual-clutch S Tronic និងប្រព័ន្ធប៉ុងពីរ Quattro AWD។ វាអាចរត់ពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេលត្រឹម ៥,១វិនាទី។

ក្រៅពីនោះ វាបានបំពាក់លក្ខណៈពិសេសមកស្តង់ដារមួយចំនួនទៀត ដូចជា ប្រព័ន្ធហ្វ្រាំងអូតូ និងកាមេរ៉ាមើលផ្លូវ ៣៦០ដឺក្រេ ជាដើម៕

ផ្ទាំងផ្សាយពាណិជ្ជកម្ម