ក្រុមហ៊ុន Audi បានប្រកាសចេញរថយន្ត S3 ស៊េរីឆ្នាំ២០២១ ជាផ្លូវការ ដោយក្នុងនោះមានតួខ្លួន ២ប្រភេទ គឺ Sportback និង Sedan។
រថយន្ត Audi S3 ថ្មីបំពាក់ម៉ាស៊ីនសាំងចំណុះ ២,០លីត្រ turbocharged ទំហំ ៤ស៊ីឡាំង មានកម្លាំង ៣០៦សេះ ប្រើប្រអប់លេខអូតូ ៧វគ្គ ប្រភេទ S Tronic និងប៉ុងពីរ quattro AWD។ វាអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៤,៨វិនាទី ហើយមានល្បឿនអតិបរមាដល់ ២៥០គីឡូម៉ែត្រក្នុងមួយម៉ោង។
មុខងារសុវត្ថិភាពជាច្រើនត្រូវបានបំពាក់លើរថយន្ត S3 ថ្មីនេះ ក្នុងនោះរួមមានទាំង lane departure warning, pre-sense front និង swerve assist with turn assist មកស្តង់ដារ ខណៈ lane change and exit warnings, cross-traffic និង park assist systems ជា Option។
Audi S3 ឆ្នាំ២០២១ នឹងត្រូវចេញលក់នៅដើមខែតុលា នៅលើទីផ្សារប្រទេសអាល្លឺម៉ង់ ជាមួយតម្លៃចាប់ពី ៥៤ ៤៧៥ដុល្លារ សម្រាប់ប្រភេទ Hatchback និង ៥៥ ៥០៥ដុល្លារ សម្រាប់ប្រភេទ Sedan៕
