[បរទេស] ក្រុមហ៊ុនផលិតរថយន្ត Bugatti បានធ្វើការដាក់បង្ហាញចេញជាផ្លូវការនៅកំពូលរថយន្ត Bugatti Tourbillon ស៊េរីថ្មីចុងក្រោយ ផលិតក្នុងចំនួនមានកំណត់ត្រឹមតែ ២៥០ គ្រឿងប៉ុណ្ណោះ ជាមួយតម្លៃលក់ ៤,១ លានដុល្លារ នៅទីផ្សារប្រទេសជ៉បុន និងសិង្ហបុរី គ្រោងនឹងចេញលក់នៅឆ្នាំ ២០២៦ ។
Bugatti Tourbillon ដំណើរការដោយម៉ាស៊ីន Hybrid ធ្វើការជាមួយម៉ាស៊ីនសាំងចំណុះ ៨,៣ លីត្រ V16 និងម៉ូទ័រអគ្គិសនីចំនួន ២ អាចផលិតកម្លាំងបាន ១ ៨០០ សេះ ផ្គួបជាមួយអាគុយទំហំ ២៥ គីឡូវ៉ាត់ម៉ោង អាចបើកបរបានចម្ងាយ ៦០គីឡូម៉ែត្រ ។
សម្រាប់ការឌីស្សាញត្រូវបានបំផុសគំនិតដោយរថយន្តម៉ូដែលចាស់ដូចជា Type 57 Atlantic, Type 41 Royale និង Type 35 ខណៈឈ្មោះ Tourbillon ត្រូវបានតាមនមេកានិចនាឡិការបស់ប្រទេសស្វីស ។ ខណៈផ្នែកខាងក្រោយ នៅតែត្រូវបានបំពាក់ជាមួយកាង Spoiler ជាប់នឹងចង្កៀង LED ជាមួយនឹងឡូហ្គោ Bugatti ដែលជាការរួមបញ្ចូលគ្នានៃម៉ូដែល W16 Mistral និង La Voiture Noire ព្រមទាំងដៃទ្វារបើកឡើងលើផងដែរ ។
ចំពោះនៅផ្នែកខាងក្នុងមានភាពពិសេសខ្លាំងបែប Unique ដោយបំពាក់ដៃចង្កូតជាប់ជាមួយកុងទ័របង្ហាញព័ត៌មានដែលមានរូបរាងដូចនាឡិកា អេក្រង់កំសាន្តអាចភ្ជាប់មុខងារ Apple CarPlay full access ខណៈនៅកុងស៊ូលកណ្តាលគឺជាប្រអប់លេខ ជាមួយការឌីស្សាញបែប Classic ដែលមានគ្រឿងមេកានិចនៅលើតាប្លូដែលបង្កើតឡើងដោយ ៦០០ផ្នែក ។
