[បរទេស] ក្រុមហ៊ុនផលិតរថយន្តយក្យរបស់ចិន BYD បានធ្វើការប្រកាសជាផ្លូវការសម្រាប់ការផលិតរថយន្តចំនួន ១ ០០០ ០០០ គ្រឿងត្រឹមឆ្នាំនេះ ត្រឹមរយៈពេល ៩ ខែ គិតចាប់ពីខែមករា ដល់ខែកញ្ញា ឆ្នាំ ២០២២ គឺជាព្រឹត្តិការណ៍ដ៏អស្ចារ្យមួយ និងជាការផលិតរថយន្តលឿនបំផុតរបស់ក្រុមហ៊ុនផលិតរថយន្តប្រទេសចិន។
សម្រាប់រថយន្តទី ១ ០០០ ០០០ គ្រឿង ក្នុងឆ្នាំនេះគឺ BYD Song Plus DM-i ដែលជាប្រភេទ Crossover លក់ដាច់បំផុតលេខ ១ របស់ក្រុមហ៊ុន។ ការលក់រថយន្តរបស់ BYD បានបន្តកើនឡើងយ៉ាងឆាប់រហ័ស រហូតដល់ឆ្នាំនេះ BYD សម្រេចបានការលក់រថយន្តអគ្គិសនីចំនួន ១០០ ០០០គ្រឿងជាប់ៗគ្នាសម្រាប់រយៈពេល ៦ ខែដែលបានកំពុងកើនឡើងជាលំដាប់។
បច្ចុប្បន្ន BYD មានរថយន្តថាមពលថ្មីជាង ៧០០ ០០០ គ្រឿង ហើយរយៈពេលរង់ចាំបច្ចុប្បន្នសម្រាប់អតិថិជនដែលបញ្ជាទិញដើម្បីទទួលបានការដឹកជញ្ជូនគឺ ៤ ទៅ ៥ ខែ ជាមួយនឹងរថយន្តប្រហែល ២៨០ ០០០ គ្រឿងក្នុងមួយខែដែលរំពឹងថានឹងដឹកជញ្ជូននៅចុងឆ្នាំនេះ នេះបើតាមរបាយការណ៍ក្នុងស្រុកនៅថ្ងៃទី២ ខែកញ្ញា ឆ្នាំ២០២២។
BYD បង្ហាញពីការលក់រថយន្តថាមពលថ្មី (NEVs) ក្នុងខែសីហា ឆ្នាំ ២០២២ នៅក្នុងប្រទេសចិន ដែលមានចំនួនសរុបជាង ១៧៤ ៩១៥ គ្រឿង ដែលបង្កើតកំណត់ត្រាថ្មី ចាប់តាំងពីការបើកដំណើរការម៉ាកយីហោ BYD មក វាអាចរក្សាការលក់បាន ១០០ ០០០ គ្រឿងក្នុងមួយខែសម្រាប់រយៈពេល ៦ ខែជាប់ៗគ្នា៕
