ក្រុមហ៊ុន Changan បានដាក់បង្ហាញចេញនូវរថយន្ត SUV ស៊េរីថ្មីរបស់ខ្លួនចំនួន ២ ម៉ូឌែល រួមមាន Deepal S07 និង Deepal L07 ផ្តល់ជូនទាំងជម្រើស ៦ និង ៧ កៅអី និងជម្រើស EV និង EREV មានតម្លៃចន្លោះពី ២៣ ៣០០ ដុល្លារ ដល់ ២៧ ២០០ ដុល្លារ សម្រាប់ម៉ូឌែល Deepal S07 និង ២០ ៨០០ ដុល្លារ ដល់ ២៣ ៥០០ ដុល្លារ សម្រាប់ម៉ូឌែល Deepal L07 ។
រថយន្តទាំង ២ម៉ូឌែលនេះ មានប្រព័ន្ធជំនួយការបើកបរកម្រិតខ្ពស់ Huawei Qiankun ADS និង Deepal AD Pro។ ចំពោះប្រព័ន្ធ Deepal AD Pro ប្រើប្រាស់នូវកាមេរ៉ា HD ទំហំ 8MP ចំនួន ១ និងកាមេរ៉ាចំនួន ៤ ជុំវិញរថយន្តប្រព័ន្ធរ៉ាដាឆ្លាតវៃ five millimeter-wave radars និងរ៉ាដា ultrasonic ចំនួន ១២ ចំនុច ដើម្បីផ្តល់នូវការព្រមានពីការប៉ះទង្គិចមុខ និងខាងក្រោយ ការព្រមានពីការចាកចេញពីគន្លងផ្លូវ និងការជួយរក្សាគន្លងផ្លូវបានយ៉ាងសុវត្ថិភាព។ បន្ថែមពីនេះ ប្រព័ន្ធនេះក៏មានមុខងារស្វ័យប្រវត្តិដូចជា blind spot monitoring និងហ្វ្រាំងស្វ័យប្រវត្តិផងដែរ។
គួរបញ្ជាក់ថា ក្រុមហ៊ុន Changan ក៏កំពុងអភិវឌ្ឍមុខងារ និងបច្ចេកវិទ្យាថ្មីៗបន្ថែមទៀតនៅក្នុងឆ្នាំ ២០២៥ ផងដែរ ដើម្បីប្រកួតប្រជែងជាមួយទីផ្សារនាពេលបច្ចុប្បន្ននេះ៕
