នៅថ្ងៃទី ២៣ ខែកុម្ភៈ ឆ្នាំ២០២៤ ក្រុមហ៊ុន អ អិម អេ (ខេមបូឌា) – RMA (Cambodia) PLC ដែលជាក្រុមហ៊ុននាំចូល និងចែកចាយផ្តាច់មុខនៅរថយន្ត Changan មកកាន់ទីផ្សារព្រះរាជាណាចក្រកម្ពុជា បានរៀបកម្មវិធី VIP Dinner ដើម្បីជាការថ្លែងអំណអរគុណដល់អតិថិជនរបស់ខ្លួន ដោយបានធ្វើឡើងនៅអាគារតាំងបង្ហាញរថយន្តផ្លូវការ Changan Cambodia ដែលមានការចូលរួមពីសំណាក់ភ្ញៀវកិត្តិយស និងអតិថិជនរបស់ខ្លួនយ៉ាងច្រើនកុះករ។
គោលបំណងរៀបចំកម្មវិធីនេះឡើង មិនត្រឹមតែចង់ដើម្បីថ្លែងអំណអរគុណដល់អតិថិជនរបស់ខ្លួននោះទេ អ្វីដែរសំខាន់នោះ គឺការបង្កើតភាពរីករាយ និងផ្តល់នៅភាពទំនាក់ទនងល្អទៅដល់អតិថិជនដែលប្រើប្រាស់រថយន្តរបស់ខ្លួនបន្ថែមទៀត។ លើសពីនេះ ក្រុមហ៊ុន Changan Cambodia ក៏បានផ្តល់ជូរពិសេស ក៏ដូចជាបញ្ចុះតម្លៃដ៏ពិសេស រួមទាំងការចាប់រង្វាន់ផ្សងសំណាងដែលមានតម្លៃសរុបដល់ទៅ ៣ ០០០ ដុល្លារ ចំនួនដល់ទៅ ៣រង្វាន់ ក៏ដូចជាការផ្តល់ជូនពីលើបន្ថែមនៅកាតសាំងដែលតម្លៃ ៥០០ ដុល្លារទៀតផង ។
ឆ្លៀតក្នុងឱកាសដ៏ពិសេសនេះ លោក Rith Chanrothanak នាយកចាត់ការទូទៅក្រុមហ៊ុន Changan Cambodia បានមានប្រសាសន៍ថា៖ “ខ្ញុំបាទមានសេចក្តីសោមនស្សរីករាយជាខ្លាំង ដែលបានឃើញបងប្អូន ក៏ដូចជាអតិថិជន Changan បានមកចូលរួមកម្មវីធី VIP Dinner យ៉ាងច្រើន, ខ្ញុំតំណាងឲ្យក្រុមហ៊ុន Changan សូមថ្លែងអំណអរគុណដល់អតិថិជនដែលបានទុកចិត្ត និងតែងតែគាំទ្រនាពេលកន្លងមក ។
បច្ចុប្បន្ន ក្រុមហ៊ុននាំចូលរថយន្តផ្លូវការ Changan Cambodia មានជម្រើសរថយន្តដូចជា៖
- Changan CS75 Plus ស៊េរីឆ្នាំ ២០២៣ បញ្ចុះតម្លៃពី ៤៩ ៥០០ ដុល្លារ មកសល់ ៣៤ ០០០ ដុល្លារ ។
- Changan UNI-T ស៊េរីឆ្នាំ ២០២៣ សម្រាប់ពណ៌ពិសេសគឺ ពណ៌ធម្មជាតិ (Machagreen) និងពណ៌ទឹកសមុទ្រ (Sky Blue) បញ្ចុះតម្លៃពី ៤០ ៩០០ ដុល្លារ មកសល់ ៣៦ ០០០ ដុល្លារ ។
គួរបញ្ជាក់ផងដែរថា ក្រុមហ៊ុនផលិតរថយន្ត Changan គឺជាក្រុមហ៊ុនដែលធំជាងគេរបស់ប្រទេសចិន ដែលមានអាយុកាលជាង ១៦០ឆ្នាំមកហើយ និងបានឈានជើងចូលវិស័យរថយន្តរយៈពេល ៤០ឆ្នាំ ដោយបច្ចុប្បន្នក្រុមហ៊ុនមានរោងចក្រចំនួន ១៥ នៅក្នុងស្រុក និងមានចំនួន ៣៥ នៅលើទីផ្សារសកលលោក និងបានកំពុងវៃលុកទីផ្សារពិភពលោកចំនួនច្រើនជាង ៤៥ ប្រទេស រួមទាំងនៅតំបន់អារ៉ាប់រួម និងតំបន់អឺរ៉ុប ព្រមទាំងប្រទេសកម្ពុជាយើងផងដែរ ។
សម្រាប់ព័ត៌មានលម្អិតបន្ថែម អាចធ្វើការទំនាក់ទំនងទៅកាន់លេខទូរស័ព្ទ 011 999 375 ឬទំព័រផ្លូវការ Changan Cambodia ៕
