រយៈពេលប៉ុន្មានសប្តាហ៍ប៉ុណ្ណោះ បន្ទាប់ពីរថយន្ត Corvette Z06 ត្រូវបានប្រកាស ឥឡូវនេះក្រុមហ៊ុន Chevrolet បានបង្ហាញចេញនូវរថយន្តប្រណាំងថ្មី គឺ Corvette Z06 GT3.R។
រថយន្ត Corvette Z06 GT3.R នឹងត្រូវជំនួសតំណែងរថយន្ត Corvette C8.R ដែលត្រូវបានប្រើនៅក្នុងការប្រកួតជាច្រើន នៅជុំវិញពិភពលោក។ វានឹងបំពាក់ម៉ាស៊ីនចំណុះ ៥,៥លីត្រ naturally aspirated V8 ដូច ម៉ូដែល Corvette C8.R និង Corvette Z06 ដែរ ប៉ុន្តែដោយសារតែច្បាស់ក្នុងការប្រណាំង វានឹងមានកម្លាំងចន្លោះពី ៥០០សេះ ទៅ ៦០០សេះ ប៉ុណ្ណោះ។ ម៉ាស៊ីននេះនឹងដំណើរការជាមួយប្រអប់លេខ ៨វគ្គ ប្រភេទ dual-clutch និងប៉ុងមួយវិលកង់ក្រោយ។
ជាមួយគ្នានេះដែរ Corvette Z06 GT3.R មានបំពាក់ដៃឃ្លោង double-wishbone suspension ហើយមានហ្វ្រាំងប្រភេទ motorsport-specific ៦ពីស្តុងនៅខាងមុខ និង ៤ពីស្តុងនៅខាងក្រោយ ដែលអាចធ្វើការផ្លាស់ប្តូរបានយ៉ាងរហ័ស នៅពេលប្រណាំង។
ទោះបីជាយ៉ាងណាក៏ដោយ ក្រុមហ៊ុន Chevrolet មិនបានបង្ហាញឲ្យដឹងឡើយថា Z06 GT3.R នឹងមានតម្លៃប៉ុន្មាន ប៉ុន្តែបានបញ្ជាក់ថា វានឹងត្រៀមខ្លួនរួចជាស្រេចសម្រាប់ការប្រណាំង ក្នុងឆ្នាំ២០២៤៕
