DFSK Glory 560 ស៊េរីឆ្នាំ២០២២ ដាក់លក់នៅប្រទេសថៃ តម្លៃខ្ទង់ ២ ម៉ឺនដុល្លារ

ថ្មីៗនេះក្រុមហ៊ុន DFSK បានបង្ហាញនូវរថយន្តប្រភេទ SUV Glory 560 ស៊េរីឆ្នាំ ២០២២ ដោយដាក់លក់ជាផ្លូវការក្នុងតម្លៃ​២២ ២៣៩ ដុល្លារ (៧៤៩,០០០ បាត) សម្រាប់ទីផ្សារនៅប្រទេសថៃ ដែលមានចំនួនកំណត់ត្រឹម ១០០ គ្រឿងប៉ុណ្ណោះ។

ចំពោះការឌីហ្សាញខាងក្រៅវិញ រថយន្ត DFSK Glory 560 បានបំពាក់ដោយចង្កៀងមុខ អំពូលបំភ្លឺពេលថ្ងៃ ចង្កៀងអ័ព្ទខាងមុខ និងក្រោយប្រភេទ LED, ដំបូលបើកខាងលើ Panoramic Sunroof និងយ៉ាន់ស្ព័រទំហំ ១៧ អ៊ីញ។

ពាណិជ្ជកម្ម

បន្ថែមពីនេះរថយន្តក៏បានបំពាក់នូវប្រព័ន្ធសុវត្ថិភាពដោយ EPS Stability Control, TCS Traction Control Styem, EBA Brake Assis, ABS/EBD Braking Styem, Park Sensor, Dual Front Airbags និងប្រព័ន្ធព្រមានខ្សែក្រវ៉ាត់កៅអីខាងមុខផងដែរ។

យ៉ាងណាមិញរថយន្ត DFSK Glory 560 ប្រើប្រាស់ម៉ាស៊ីន​សាំង ១.៥លីត្រ Turbo ផលិតកម្លាំង ១៥០ សេះ និងកម្លាំងរមួល ២២០​​ ញ៉ូតុនម៉ែត្រ រត់ដោយកង់ខាងមុខ ជាមួយប្រអប់លេខអូតូ CVT ៕

Sponsored