[ទីផ្សារបរទេស] ក្រុមហ៊ុនផលិតរថយន្ត Dongfeng Peugeot នៅក្នុងប្រទេសចិនបានធ្វើការដាក់បង្ហាញចេញនៅរូបភាព teaser ជាផ្លូវការសម្រាប់រថយន្ត Peugeot 408 ថ្មី មុនពេលបង្ហាញខ្លួនជាផ្លូវការនៅថ្ងៃទី ៨ ខែមិថុនា ឆ្នាំ ២០២២ នៅក្នុងទីផ្សាររបស់ខ្លួន។
សម្រាប់ការរចនារបស់វរថយន្តនេះ គឺស្រដៀងទៅនឹង Peugeot 308 SW Wagon ដោយប្រើប្រាស់គ្រោងឆ្អឹងដូចគ្នា ជាមួយការសង្កត់ធ្ងន់លើភាសានៃការរចនា “Lion Soul Aesthetics” ដោយបានបំពាក់ជាមួយប៉ាណាខាងមុខឲ្យឈ្មោះថា Dot-Matrix អបជាមួយនឹងចង្កៀងបំព្លឺពេល DRL ចង្កៀងខាងក្រោយ LED ដ៏ប្រណិត រួមជាមួយកាងខ្យល់ spoiler ភ្ជាប់ជាមួយនឹងឡូហ្គោសត្វតោថ្មី។
ផ្នែកខាងក្នុងប្រើប្រាស់ការរចនា i-Cockpit ដោយសង្កត់ធ្ងន់ទៅលើភាពប្រណីតនៃរថយន្តលក្ខណៈគ្រួសារ និងមានបំពាក់ជាមួយកុងទ័រព័ត៌មានឌីជីថល 3D ទំហំ ១០ អ៊ីញ និងអេក្រង់កំសាន្ត touchscreen ទំហំ ១០ អ៊ីញ ជាមួយនឹងប្រព័ន្ធ Focal Premium Hi-Fi, ឧបករណ៍បំពងសំឡេងចំនួន ១៤ចំនុច និងបំពាក់ដោយប្រព័ន្ធជំនួយការបើកបរចុងក្រោយបំផុតពី Peugeot គាំទ្រសម្រាប់មុខងារបើកបរពាក់ semi-autonomous ជាមួយមុខងារ Drive Assist 2.0 ។
ចូលទៅកាន់ផ្នែកម៉ាស៊ីនវិញ រថយន្តនេះរំពឹង នឹងមានកាករប្រើប្រាស់ម៉ាស៊ីនពីរថយន្ត 308 SW ជាមួយជម្រើស៣ប្រភេទគឺ ម៉ាស៊ីនសាំង ម៉ាស៊ីនម៉ាស៊ូត និងម៉ាស៊ីន hybrid ផងដែរ៕
