[បរទេស] ក្រុមហ៊ុនផលិតរថយន្ត Ford បានធ្វើការដាក់បង្ហាញចេញនៅរថយន្តភីកអាប់ Ford F-Series Super Duty ស៊េរីឆ្នាំ ២០២៥ ព្រមទាំងបើកទទួលការបញ្ជាទិញទុកមុននៅទីផ្សារសហរដ្ឋអាមេរិក ជាមួយតម្លៃលក់ចាប់ពី ៤៥ ៣០០ ដុល្លារ ដល់ ៧៧ ៨៦៥ ដុល្លារ ។
Ford F-Series Super Duty ស៊េរីឆ្នាំ ២០២៥ ដំណើរការដោយ
ផ្ទាំងផ្សាយពាណិជ្ជកម្ម
- ម៉ាស៊ីនចំណុះ ៦,៨ លីត្រ V8 អាចផលិតកម្លាំងបាន ៤០៥ សេះ និងកម្លាំងរមួល ៦០៣ ញ៉ូតុនម៉ែត្រសម្រាប់ម៉ូដែល XL, XLT និង Lariat
- ម៉ាស៊ីនចំណុះ ៧,៣ លីត្រ V8 អាចផលិតកម្លាំងបាន ៤៣០ សេះ និងកម្លាំងរមួល ៦៥៧ ញ៉ូតុនម៉ែត្រសម្រាប់ម៉ូដែល King Ranch និង Platinum ។
សម្រាបម៉ូដែលឆ្នាំ ២០២៥ នេះ មិនមានការផ្លាស់ប្តូរច្រើននោះ ដោយទទួលបានប៉ាណាទំហំធំតុបតែងជាក្រូមេអបសងខាងដោយចង្កៀងមុខ LED រចនាបែប C-clap ក៏ដូចជាថាសកង់ស្រោបដោយសំបកប្រភេទ Off-road និង ចង្កៀងក្រោយប្រភេទ LED ផងដែរ ។
ចំពោះនៅផ្នែកខាងក្នុងមានកុងទ័របង្ហាញព័ត៌មានឌីជីថល និងអេក្រង់កំសាន្ត touchscreen ក៏ដូចជាកៅអីស្រោបដោយស្បែក កញ្ចក់បែបឯកជន និងប្រព័ន្ធផ្ទេរថាមពល Pro Power Onboard system កម្លាំង ៧,២ គីឡូវ៉ាត់ជាដើម ៕
ផ្ទាំងផ្សាយពាណិជ្ជកម្ម
