ក្រុមហ៊ុន Ford បានបញ្ជាក់ថា រថយន្ត Mustang Mach 1 ស៊េរីឆ្នាំ២០២១ នឹងមានលក់នៅទូទាំងពិភពលោកតែម្តង។
រថយន្ត Ford Mustang Mach 1 នឹងក្លាយជាអ្នកមកជំនួសតំណែង Shelby GT350 និង GT350R ដែលកំពុងឈានចូលនិវត្តន៍។
ផ្ទាំងផ្សាយពាណិជ្ជកម្ម
មិនតែប៉ុណ្ណោះ ថ្មីៗនេះគេបានប្រទះឃើញគំរូរថយន្ត Mustang Mach 1 ប្រើចង្កូតស្តាំថែមទៀតផង ដែលបង្ហាញថា វាក៏នឹងមានលក់សម្រាប់ទីផ្សារប្រើរថយន្តចង្កូតស្តាំ ដូចជា អូស្ត្រាលី និងអង់គ្លេស ជាដើមដែរ។
គួរឲ្យដឹងថា រថយន្ត Mustang Mach 1 នឹងបំពាក់ម៉ាស៊ីនចំណុះ ៥,០លីត្រ Coyote V8 មានកម្លាំង ៤៨០សេះ ស្មើនឹងម៉ូដែល Mustang Bullitt ដែរ។ ប្រអប់លេខដែលប្រើលើ Mach 1 គឺជាលេខដៃ ៦វគ្គ ប្រភេទ Tremec ដែលមានមុខងារ Rev-matching ឬ ប្រអប់លេខអូតូ ១០វគ្គផងដែរ៕
ផ្ទាំងផ្សាយពាណិជ្ជកម្ម
