ក្រុមហ៊ុន Foxconn ដែលជាក្រុមហ៊ុនផលិត iPhone សម្រាប់ Apple បានប្រកាសថា ពួកគេកំពុងចរចាកិច្ចសហប្រតិបត្តិការជាមួយក្រុមហ៊ុន Nissan បន្ទាប់ពីការពិភាក្សារួមបញ្ចូលគ្នារវាង Nissan និង Honda បានបរាជ័យ។
ក្នុងនោះ ក្រុមហ៊ុនមួយនេះបាននិយាយថា ពួកគេមិនមានគោលបំណងទិញយកភាគហ៊ុនរបស់ Nissan នោះទេ ប៉ុន្តែគោលបំណងរបស់ពួកគេគឺចង់ធ្វើការជាដៃគូសហការណ៍ ដើម្បីជួយបង្កើនប្រសិទ្ធភាពនៃការផលិតរថយន្តអគ្គិសនី (EV)។
ផ្ទាំងផ្សាយពាណិជ្ជកម្ម
បើយោងតាមប្រធានក្រុមហ៊ុន Foxconn លោក Young Liu ផ្ទាល់បានលើកឡើងថា ក្រុមហ៊ុនរបស់ពួកគេកំពុងចាប់អារម្មណ៍ក្នុងការផ្តល់សេវាកម្មរចនា និងផលិតរថយន្តជូន Nissan ប៉ុន្តែពួកគេមិនចង់ក្លាយជាក្រុមហ៊ុនផលិតរថយន្តនោះទេ។
គួរបញ្ជាក់ថា ក្រុមហ៊ុន Foxconn ក៏កំពុងពិចារណាការសហការជាមួយក្រុមហ៊ុន Renault ផងដែរ ដែលជាភាគហ៊ុនធំរបស់ Nissan ដើម្បីបង្កើនសមត្ថភាពផ្នែករថយន្តអគ្គិសនីរបស់ពួកគេ៕
ផ្ទាំងផ្សាយពាណិជ្ជកម្ម
