Genesis G70 ឆ្នាំ២០២២ ប្រើប៉ុងពីរ មានមុខងារ Drift

ក្រុមហ៊ុនរថយន្តកូរ៉េខាងត្បូង Genesis ដែលជាបុត្រសម្ព័ន្ធរបស់ក្រុមហ៊ុន Hyundai បានប្រកាសចេញរថយន្ត G70 ស៊េរីឆ្នាំ២០២២ ថ្មី។

រថយន្ត Genesis G70 ថ្មីនេះមានបំពាក់កុងទ័រឌីជីថលទំហំ ៨អ៊ីញ ជាមួយនឹងអេក្រង់កម្សាន្ត Touchscreen ទំហំ ១០,២៥អ៊ីញ ដែលអាចភ្ជាប់មុខងារ Android Auto និង Apple CarPlay ក៏ដូចជាបច្ចេកវិទ្យាសម្គាល់សំឡេង និង Genesis CarPay ផងដែរ។

ផ្ទាំងផ្សាយពាណិជ្ជកម្ម

G70 ផ្តល់ជម្រើសម៉ាស៊ីនចំនួន ៣ គឺ ទី១ ម៉ាស៊ីនសាំងចំណុះ ២,០លីត្រ Turbocharged ទំហំ ៤ស៊ីឡាំង មានកម្លាំង ២៤៩សេះ, ទី២ ម៉ាស៊ីនសាំងចំណុះ ៣,៣លីត្រ twin-turbo V6 មានកម្លាំង ៣៦៥សេះ និង ទី៣ ម៉ាស៊ីនម៉ាស៊ូតចំណុះ ២,២លីត្រ Turbodiesel ទំហំ ៤ស៊ីឡាំង មានកម្លាំង ១៩៩សេះ។

រថយន្ត G70 ឥឡូវនេះបានបន្ថែមមុខងារ Sport+ និង ប្រព័ន្ធប៉ុងពីរ Dynaamic AWD ដែលភ្ជាប់មកជាមួយនូវ មុខងារ Drift Mode មកស្រាប់តែម្តង។

ក្រៅពីនោះ វាក៏មានបំពាក់មុខងារជំនួយការបើកបរ ជាច្រើន រួមទាំង Forward Collision-Avoidance Assist, Blind-Spot Collision-Avoidance Assist, Safe Exit Warning, Rear Cross-Traffic Collision-Avoidance Assist, Lane Following Assist, Multi Collision Braking និង Smart Cruise Control៕

ផ្ទាំងផ្សាយពាណិជ្ជកម្ម