រថយន្តដែល SUV ទាំង១០ កម្លាំងស្ទុះខ្លាំងជាងគេប្រចាំឆ្នាំ ២០២០

ខាង​ក្រោម​នេះ​គឺ​ជា​រថយន្ត​ SUV កំពូល​ទាំង ១០​ ម៉ូដែល ដែល​ចំណាយ​ពេល​តិច​ជាង​គេ​បំផុត​ក្នុង​បង្កើន​​ល្បឿន​​រថយន្ត​ពី ០ ទៅ ១០០ គ.ម/ម៉។

១០. Jaguar F-Pace SVR ៖ ៤,១វិនាទី

ផ្ទាំងផ្សាយពាណិជ្ជកម្ម

រថយន្ត​នេះ​ប្រើ​ម៉ាស៊ីន​ V8 Supercharged ចំណុះ ៥,០លីត្រ ដែល​កម្លាំង​បាន​ ៥៥០សេះ និង​មាន​ល្បឿន​អតិបរមា​ ២៨៣គ.ម/ម៉។

៩. BMW X5 M50i ៖ ៤,១វិនាទី

ម៉ាស៊ីន​ដែល​គេ​បាន​បំពាក់​លើ​ BMW X5 M50i គឺ​ជា​ប្រភេទ​ Supercharged V8 ចំណុះ ៤,៤លីត្រ ដែល​ផលិត​កម្លាំង​បាន​ ៥២៣សេះ។

៨. Mercedes-AMG G63 ៖ ៣,៩វិនាទី

ម៉ាស៊ីន​រថយន្ត SUV នេះ​គឺ​ជា​ប្រភេទ Supercharged V8 ចំណុះ ៤,០លីត្រ ដែល​មាន​កម្លាំង ៥៧៧សេះ និង​មាន​ល្បឿន​អតិបរមា ២២០គ.ម/ម៉។

​​៧. Bentley Bentayga Speed ៖ ៣,៨វិនាទី

លើ​រថយន្ត Bentayga ធម្មតា​គេ​បាន​ប្រើ​ម៉ាស៊ីន W12 Turbocharged ចំណុះ ៦,០លីត្រ ដែល​មាន​កម្លាំង ៦០០សេះ។ សម្រាប់​ប្រភេទ Speed នេះ គេ​បាន​កែ​សម្រួល​លើ​ម៉ាស៊ីន​ឲ្យ​វា​អាច​ផលិត​កម្លាំង​បាន ៦២៦សេះ។

៦. Maserati Levante Trofeo ៖ ៣,៧វិនាទី

រថយន្ត​ស៊េរី​ឆ្នាំ ២០១៩ នេះ មាន​ប្រើ​ប្រាស់​ម៉ាស៊ីន V8 Supercharged ចំណុះ ៣,៨លីត្រ ដែល​ផលិត​ឡើង​ដោយ​ក្រុមហ៊ុន Ferrari អាច​បង្កើត​កម្លាំង​បាន ៥៩០សេះ។

៥. Porsche Cayenne Turbo ៖ ៣,៧វិនាទី

រថយន្ត​នេះ​មាន​ប្រើ​ម៉ាស៊ីន Twin-Turbocharged V8 ចំណុះ ៤,០លីត្រ ដែល​មាន​កម្លាំង ៥៤១សេះ។

៤. Alfa Romeo Stelvio Quadrifoglio ៖ ៣,៦វិនាទី

ត្បិត​ថា​ម៉ាស៊ីន​របស់​រថយន្ត​មាន​ចំណុះ​ត្រឹម ២,៩លីត្រ ប៉ុន្តែ​វា​អាច​បង្កើត​កម្លាំង​បាន ៥០៥សេះ ដោយ​ជា​ប្រភេទ​ម៉ាស៊ីន Supercharged V6។ ម៉ាស៊ីន​នេះ​អាច​ឲ្យ​រថយន្ត​រត់​បាន​ដល់​ល្បឿន ២៨៣គ.ម/ម៉។

៣. Mercedes-AMG GLC 63 S ៖ ៣,៦វិនាទី

ម៉ាស៊ីន​ដែល​មាន​បំពាក់​លើ​រថយន្ត​គឺ​ជា​ប្រភេទ Supercharged V8 ចំណុះ ៤,០លីត្រ ដែល​ផលិត​កម្លាំង​បាន ៥០៣សេះ។

២. Lamborghini Urus ៖ ៣,៦វិនាទី

រថយន្ត​ SUV ដំបូង​របស់ Lamborghini មាន​ប្រើ​ប្រាស់​ម៉ាស៊ីន Supercharged V8 ចំណុះ ៤,០លីត្រ ដែល​ផលិត​កម្លាំង​បាន ៦៤២សេះ និង​មាន​ល្បឿន​អតិបរមា​ ៣០៥គ.ម/ម៉។

១. Tesla Model X Performance ៖ ២,៧វិនាទី

ស្ថិត​នៅ​តំណែង​លេខ​មួយ​គឺ​រថយន្ត​អគ្គិសនី​របស់ Tesla ដោយ​ម៉ូទ័រ​អគ្គិសនី​របស់​វា​អាច​បង្កើត​​កម្លាំង​បាន ៥១៨សេះ ​អាច​ឲ្យ​រថយន្ត​ស្ទុះ​ពី ០-១០០គ.ម/ម៉ ក្នុង​ពេល​ត្រឹម ២,៧វិនាទី។ យ៉ាងណាក្ដី​វា​មាន​ល្បឿន​អតិបរមា​ត្រឹម ២០៩គ.ម/ម៉៕​

ផ្ទាំងផ្សាយពាណិជ្ជកម្ម