រថយន្ត Genesis GV80 ទ្វារបួននឹងរំពឹងថាចេញលក់សម្រាប់ទីផ្សារអាមេរិកនៅឆ្នាំក្រោយនេះ។
រថយន្តប្រភេទនេះត្រូវបានគេដាក់ឈ្មោះថា GV80 Prestige Signature ហើយនឹងចែករលែកកំណែច្រើនជាមួយ GV80 កៅអី៦ដ៏ប្រណិតដែលក្រុមហ៊ុន Genesis លក់នៅក្នុងប្រទេសកូរ៉េខាងត្បូង។ ទោះយ៉ាងណាក៏ដោយកៅអីជួរទី៣ នឹងត្រូវដកចេញសម្រាប់អាមេរិកដោយទុកកៅអី២ជួរទី២សម្រាប់កៅអីធំ (Captain Chairs)។
ក្រុមហ៊ុន Genesis បានបញ្ចាក់ពីម៉ូដែលនេះកំឡុងពេលកិច្ចសម្ភាសថ្មីៗជាមួយ CNET ប៉ុន្តែបានផ្តល់ព័ត៌មានជាកលាក់ទេ សម្រាប់កៅអីធំ ជួរទី២ (Captain chairs) ជាកៅអីអេឡិចត្រូនិចដែលមានកុងសូលកណ្តាលដ៏ធំដែលមានការគ្រប់គ្រងព័ត៌មាននឹងអាកាសធាតុ។
នៅមិនច្បាស់ថាមានការអាប់ដេតចំពោះផ្នែកខាងក្រៅសម្រាប់រថយន្តប្រភេទ SUV នេះទេ ប៉ុន្តែផ្លាកសញ្ញាផ្ទាល់ខ្លួនមួយចំនួននឹងមាន។
GV80 ត្រូវបានផ្តល់ជូននៅអាមេរិកជាមួយម៉ាស៊ីនប្រភេទ Turbocharged ចំណុះ ២.៥ លីត្រ ទំហំ ៤ស៊ីឡាំង ។ ម៉ូដែលជួរមុខនេះប្រហែលជផ្តល់ជូននៅជម្រើសម៉ាស៊ីនចំណុះ ៣.៥ លីត្រ Turbo ភ្លោះ V6 អត្រាកម្លាំង ៣៧៥ សេះ និងកម្លាំងរមួល ៥៣០ ញ៉ូតុនម៉ែត្រ ប៉ុង២ All-wheel drive ស្តង់ដារ និង ទំហំកង់ ២២ អ៊ីញ ។
ត្រកូល GV80 ដែលបច្ចុប្បន្នកំពុងពេញនិយមនៅអាមេរិកគឺប្រភេទ 3.5T Advanced Plus មានតម្លៃចាប់ពី ៦៨,៥៤៥ ដុល្លារ ជាមួយ ១,០៤៥ ដុល្លារសម្រាប់តម្លៃដឹកជញ្ចូន ខណៈម៉ូដែល Prestige Signature មានតម្លៃលើសពី ៧០,០០០ ដុល្លារ តែនៅមានតម្លៃថោកជាង Mercedes-Benz GLE ៦ស៊ីឡាំង ដែលឈានដល់កម្រិត ៨០,០០០ ដុល្លារ ៕
