[ទីផ្សារបរទេស] ក្រុមហ៊ុនផលិតរថយន្ត GMC បានធ្វើការដាក់បង្ហាញចេញជាផ្លូវការនៅរថយន្ត GMC Terrain ស៊េរីឆ្នាំ ២០២៥ ប្រភេទ SUV ខ្នាតកណ្តាល ដែលមានតម្លៃលក់ចាប់ពី ៣០ ០៩៥ ដុល្លារឡើងទៅ នៅទីផ្សារសហរដ្ឋអាមេរិក ។
យន្ត GMC Terrain ស៊េរីឆ្នាំ ២០២៥ ដំណើរការដោយម៉ាស៊ីនសាំងចំណុះ ១,៥ លីត្រ Turbocharged ទំហំ ៤ស៊ីឡាំង អាចផលិតកម្លាំងបាន ១៧៥ សេះ និងកម្លាំងរមួល ២៧៥ ញ៉ូតុនម៉ែត្រ ភ្ជាប់ដោយប្រអប់លេខអូតូ ៨វគ្គថ្មី ប្រភេទបើកបរប៉ុង ២ ។
សម្រាប់ផ្នែកខាងក្រៅរបស់រថយន្តនេះ ត្រូវបានឌីស្សាញថ្មីឡើងវិញ ដោយមានប៉ាណាទំហំ ចង្កៀងមុខ-ក្រោយ LED រាងជាអក្សរ C ព្រមទាំងប្រើប្រាស់នៅថាសកង់ស្ព័រថ្មី និងទ្វាឃ្លុបក្រោយបើក-បិទដោយថាមពលអគ្គិសនី ។
ចំពោះនៅផ្នែកខាងក្នុងវិញ មានយអេក្រង់ឧបករណ៍ឌីជីថលទំហំ ១១ អ៊ីញ និងអេក្រង់កំសាន្ត touchscreen បញ្ឈរទំហំ ១៥អ៉ីញ រួមទាំងការធ្វើឱ្យប្រសើរឡើងនូវបច្ចេកវិទ្យាដ៏សំខាន់ដែលរួមមានប្រព័ន្ធជំនួយអ្នកបើកបរចំនួន ១៥, ប្រព័ន្ធ Google Assistant ៕
