នាពេលថ្មីៗនេះ រថយន្ត GMC Sierra HD ស៊េរីឆ្នាំ ២០២០ បានបង្ហាញខ្លួនជាផ្លូវការ ដោយបំពាក់មកជាមួយនូវបច្ចេកវិទ្យាពិសេសបំផុតមួយ សម្រាប់រថយន្តប្រភេទ Pickup ខ្នាតធំ ហៅថា ProGrade Trailering System។
GMC Sierra HD ទទួលបានការរចនាផ្នែកខាងក្រៅថ្មី ដូចជា ប៉ាណា, ចង្កៀងមុខ, អំពូលកាត់អ័ព្ទ LED ជាដើម។ វាមានប្រវែងវែងជាងមុន និងខ្ពស់ជាងមុន បើប្រៀបជាមួយនឹង Sierra HD ស៊េរីចាស់។
ក្រៅពីទទួលបានការរចនាថ្មី វាក៏បំពាក់បច្ចេកវិទ្យាថ្មីៗជាច្រើន ដូចជា Auto Electric Park Brake, Park Grade Hold Assist, Integrated Trailer Brake Controller, Hill Start Assist, Hill Descent Control, Trailer Sway Control, Auto Grade Braking, Diesel Exhaust Braking និង Tow/Haul Mode ផងដែរ។
មុខងារ ProGrade Trailering System ដែលអនុញ្ញាតឱ្យអ្នកបើកបរ មើលឃើញ ១៥ ប្លង់ផ្សេងៗគ្នា ងាយស្រួលក្នុងការថ្ពក់ និងអូសសណ្តោង។ មិនតែប៉ុណ្ណោះ វាក៏បំពាក់មុខងារ Trailer Light Test, Trailer Electrical Diagnostics, Trailer Tire Pressure and Temperature Monitoring, Pre-Maintenance Preminders និង Departure Checklist ទៀតផង។
រថយន្ត GMC Sierra HD ស៊េរីឆ្នាំ ២០២០ ប្រើម៉ាស៊ីនម៉ាស៊ូតចំណុះ ៦,៦ លីត្រ Turbo-diesel ប្រភេទ Duramax មានកម្លាំង ៤៤៥ សេះ ដែលអាចអូសសណ្តោងបានរហូតដល់ទៅទម្ងន់ ១៣ ៦០០ គីឡូក្រាមឯណោះ៕
