[ទីផ្សារបរទេស] ក្រុមហ៊ុន Honda នឹងត្រៀមចេញលក់នូវម៉ូឌែល Air Blade 160 ស៊េរីឆ្នាំ ប្រភេទ Scooter ២០២២ ក្នុងពេលឆាប់ៗនេះលើដំបូងនៅប្រទេសវៀតណាម។
ជាមួយនឹងការឌីហ្សាញនៃម៉ូតូ Scooter នេះទទួលបានរចនាទ្បែងបែបស្ព័រយ៉ាងរឹងមាំដោយមកជាមួយចង្កៀងមុខ-ក្រោយប្រភេទ LED, កុងទ័រឌីជីថល LCD, រន្ធសាក UBS ឬទូរស័ព្ទ,Smart-key និងកន្លែងផ្ទុកនៅក្រោមកៅអីមានទំហំធំទូលាយ ។ ព្រមទាំងបានបំពាក់ប្រព័ន្ធហ្វាំ្រង ABS កម្រិតខ្ពស់ស្តង់ដាររបស់ក្រុមហ៊ុន Honda ផងដែរ។
សម្រាប់ Honda Air Blade 160 ត្រូវបានគេរំពឹងថានឹងប្រើប្រាសម៉ាស៊ីន eSP+ ដែលប្រើក្នុង PCX160 និង Click 160 ទំហំ ១ស៊ីទ្បាំង ចំណុះ ១៥៧សេសេ ផលិតកម្លាំង ១៥,៤សេះ និងកម្លាំងរមួល ១៣,៨ញ៉ូតុនម៉ែត្រ ។ ដោយទ្បែកចំពោះកម្រិតនៃការប្រើប្រាស់សាំងក្នុង ២ លីត្រ អាចរត់បានចម្ងាយ ១០០ គីទ្បូម៉ែត្រ ដោយធុងផ្ទុកសាំងរបស់ម៉ូតូនេះអាចស្តុកបានចំណុះរហូតដល់ ៤,៤ លីត្រ។
យ៉ាងណាមិញចំពោះ Honda Air Blade 160 ស៊េរីឆ្នាំ ២០២២ មិនទាន់បានបង្ហាញអំពីតម្លៃនៅទ្បើយទេសម្រាប់ទីផ្សារនៅក្នុងប្រទេសវៀតណាម៕
