[ទីផ្សារបរទេស] កាលពីពេលថ្មីៗនេះ ក្រុមហ៊ុនផលិតរថយន្ត Honda បានធ្វើការដាក់បង្ហាញចេញនូវរថយន្ត Honda Odyssey សេរ៊ីឆ្នាំ២០២៥ អាប់ឌែតថ្មី ជាមួយតម្លៃលក់ចាប់ពី ៤១ ៩២០ ដុល្លារ ដល់ ៥០ ៨៨០ ដុល្លារ ក្នុងទីផ្សារសហរដ្ឋអាមេរិក។
រថយន្តប្រភេទ minivan ថ្មីនេះទទួលបានពណ៌តួខ្លួនថ្មីចំនួន ២ គឺ Solar Silver Metallic និង Smoke Blue Pearl ក៏ដូចជារូបរាងស្ព័រជាមុន កាងមុខ-ក្រោយរចនាថ្មី និងថាសកង់ស្ព័រទំហំថ្មីគឺ ១៩ អ៊ីញ ។
ចំពោះផ្នែកខាងក្នុងវិញ ទទួលបានអេក្រងឌីជីផលទំហំ ៧ អ៊ីញ និិងអេក្រង់កំសាន្ត touchscreen ទំហំ ៩ អ៉ីញ អាចភ្ជាប់មុខងារ Apple CarPlay និង Android Auto ឥតខ្សែ, USB-C, កន្លែងសាកថ្មឥតខ្សែ និងប្រព័ន្ធជំនួយការបើកបរនិងប្រព័ន្ធសុវត្ថិភាព ADAS ជាច្រើនទៀត។ លើសពីនេះ ក៏មានជម្រើសអេក្រង់កំសាន្តទំហំ ១៨,៨ អ៊ីញ បន្ថែមផងដែរ។
ទាក់ទងនឹងផ្នែកម៉ាស៊ីនវិញ រថយន្តប្រភេទ minivan ថ្មីនេះ ដំណើរការដោយម៉ាស៊ីនសាំងចំណុះ ៣,៥ លីត្រ V6 ផលិតកម្លាំងបាន ២៨០ សេះ ភ្ជាប់ដោយប្រអប់លេខអូតូ ១០ វគ្គជាស្តង់ដារ ។
