Honda Passpor TrailSport Rugged Roads Project 2.0 ប្រភេទ Off-Road ជាមួយរូបរាងកាន់តែទាក់ទាញ

[ទីផ្សារបរទេស] កាលពីប៉ុន្មានខែ កន្លងទៅនេះ ក្រុមុហ៊ុនផលិតរថយន្ត Honda បានធ្វើការដាក់បង្ហាញចេញនៅរថយន្ត Honda Passport TrailSport SUV ខណៈពេលពេលនេះ Honda បានធ្វើការម៉ូឌែលថ្មីមួយទៀតបន្ថែម ដែលអោយឈ្មោះថា Honda Passpor TrailSport Rugged Roads Project 2.0 ផលិតឡើងផ្តោតលើការលេងខ្លួនបែប Off-Road ។

រថយន្ត Honda Passport TrailSport Rugged Roads Project 2.0​ បាន​ភ្ជាប់​មក​ជាមួយ​ឡូហ្គោ TrailSport នៅ​លើ​ប៉ាណា​ខាង​មុខ, ថាសកង់​ស្ព័រ​ថ្មីស្រោបដោយសំបកកង់ពណ៌ខ្មៅ បានបន្ថែមប្រវែងទទឹងកង់ខាងមុខ និងខាងក្រោយ ១០ ម.ម, ឡូហ្គោ HPD នៅទីតាំង D-pillar, ដំបូលដែក roof rack ធំ, ទំពក់សម្រាប់អូសសណ្តោងនៅខាងក្រោយ, កាងការពារយ៉ាងរឹងមាំ និងមានកង់សាគួរនៅផ្នែកខាងក្រោយផងដែរ។

ពាណិជ្ជកម្ម

រីឯនៅផ្នែកខាងក្នុងកាប៊ីនបំពាក់ដោយប៊ូតុងបញ្ឆេះម៉ាស៊ីន, អេក្រង់កំសាន្តទំហំ ៨ អ៊ីញ ភ្ជាប់មុខងារ Apple CarPlay និង Android Auto ក៏ដូចជាបច្ចេកវិទ្យាសុវត្ថិភាព Honda Sensing, ឡូហ្គោ TrailSport នៅលើកៅអីខាងមុខ និងកម្រាលជើងជាដើម។

ចូលទៅកាន់ផ្នែកម៉ាស៊ីនវិញ រថយន្តនេះដំណើរការដោយម៉ាស៊ីនចំណុះ ៣,៥ លីត្រ V6 អាចផលិតកម្លាំងបាន ២៨០ ​សេះ និងកម្លាំងរមួល ៣៥៥ ញ៉ូតុនម៉ែត្រ ភ្ជាប់ជាមួយប្រអប់លេខអូតូ ៩ វគ្គ ប្រព័ន្ធបើកបរប៉ុង២ វិលកង់ទាំងអស់៕

Sponsored