ក្រុមហ៊ុន Honda បានប្រកាសចេញរថយន្ត Civic Si ស៊េរីឆ្នាំ២០២២ ជាផ្លូវការ ដោយមានបំពាក់ម៉ាស៊ីនចំណុះ ១,៥លីត្រ Turbo ជាមួយនឹងប្រអប់លេខដៃ ៦វគ្គ និងមានបច្ចេកវិទ្យា Rev-matching Technology ដូចទៅនឹង Civic Type R ដែរ។
រថយន្ត Honda Civic Si ឆ្នាំ២០២២ នឹងមានកម្លាំង ២០០សេះ និងកម្លាំងរមួល ២៦០ញ៉ូតុនម៉ែត្រ។ ជាមួយគ្នានេះដែរ វាក៏ទទួលបានការអាប់ដេតលើប្រព័ន្ធជើងក្រោម ដែលធ្វើឲ្យវារឹងមាំ មានលំនឹង ព្រមទាំងផ្តល់ឲ្យនូវការបើកបរកាន់តែប្រសើរជាងមុន។ មិនតែប៉ុណ្ណោះ រថយន្តនេះក៏បានបំពាក់ហ្វ្រាំងដុំជាងម៉ូដែលធម្មតាដែរ។
Honda Civic Si ថ្មីនេះមានបំពាក់ចង្កៀងមុខក្រោយ LED មកស្តង់ដារ, យ៉ាន់កង់ ១៨អ៊ីញ ពណ៌ខ្មៅ ព្រមទាំងមានតួខ្លួនពណ៌ពិសេស Blazing Orange ទៀតផង។
ថ្វីបើតម្លៃរបស់ Honda Civic Si ឆ្នាំ២០២២ មិនទាន់ត្រូវបានប្រកាសក្តី ប៉ុន្តែក្រុមហ៊ុនផលិតរថយន្តជប៉ុននេះ គ្រោងនឹងដឹករថយន្តឲ្យអតិថិជនរបស់ខ្លួននៅចុងឆ្នាំ២០២១ នេះតែម្តង៕
