[ទីផ្សារបរទេស] ក្រុមហ៊ុន Honda បានប្រកាសថាខ្លួននឹងឈប់ផលិតរថយន្តប្រើប្រាស់សាំង និងម៉ាស៊ូតនៅអឺរ៉ុបនៅឆ្នាំ ២០២២ ហើយខ្លួននឹងផ្តល់ថាមពលដល់ផលិតផលទាំងអស់នៅអឺរ៉ុបក្នុងរយៈពេល ៣ ឆ្នាំចាប់ពីឆ្នាំ ២០១៩ ។
សម្រាប់គោលដៅរបស់ក្រុមហ៊ុន Honda គឺដើម្បីបញ្ឈប់ទាំងស្រុងនូវរថយន្តប្រើប្រាស់សាំង និងម៉ាស៊ូតនៅទូទាំងពិភពលោកនៅត្រឹមឆ្នាំ ២០៤០ ដោយប្តូរទៅប្រើប្រាស់ថាមពលអគ្គិសនី និងអ៊ីដ្រូសែន វិញ។
បន្ថែមពីនេះក្រុមហ៊ុន Honda បានបន្តទៀតថា ៤០% នៃផលិតផលរថយន្តរបស់ខ្លួននៅក្នុងទីផ្សារធំៗនឹងប្រើប្រាស់អគ្គិសនី និងអ៊ីដ្រូសែន នៅត្រឹមឆ្នាំ ២០៣០ ហើយចំណែកនៅសល់នឹងប្រើប្រាស់បច្ចេកវិទ្យា hybrid ។
សូមបញ្ជាក់ថាបច្ចុប្បន្ននេះក្រុមហ៊ុន Honda កំពុងបង្កើតរថយន្តអគ្គិសនីថ្មីជាច្រើន រួមទាំងរថយន្តចំនួនពីរដែលត្រូវបានបង្កើតឡើងដោយ ក្រុមហ៊ុន General Motors ដែលរំពឹងថានឹងចេញលក់នៅឆ្នាំ ២០២៤ ខាងមុខនេះ៕
ប្រភព៖ xehay.vn
