ម៉ាកយីហោរថយន្តអគ្គិសនីថ្មីមួយទៀត ត្រូវបានដាក់បង្ហាញនៅក្នុងប្រទេសចិន ដែលមានឈ្មោះថា Avatr Technology ។
ក្រុមហ៊ុនរថយន្តអគ្គិសនីថ្មីនេះ ត្រូវបានបង្កើតឡើងតាមរយៈការបណ្តាក់ទុនរួមគ្នា រវាងក្រុមហ៊ុនទូរគមនាគមន៍ Huawei ជាមួយក្រុមហ៊ុនរថយន្ត Changan Automobile និងអ្នកផ្តល់អាគុយរថយន្តអគ្គិសនី CATL។
ផ្ទាំងផ្សាយពាណិជ្ជកម្ម
គួរឲ្យដឹងដែរថា ក្រុមហ៊ុននេះគឺជាកំណែប្រែម៉ាកថ្មីនៃ Changan Nio New Energy Automotive Technology ដែលជាក្រុមហ៊ុនបណ្តាក់ទុនរួមគ្នារវាង Changan Automobiles និង Nio។
ទោះជាយ៉ាងណាក៏ដោយ Changan បានបង្កើនភាគហ៊ុនរបស់ខ្លួននៅក្នុងក្រុមហ៊ុនបណ្តាក់ទុនរួមគ្នានេះ ពី ៤៥ ភាគរយ ទៅ ៩៥,៨ ភាគរយ នៅដើមឆ្នាំ ២០២១ នេះ ដែលអនុញ្ញាតឲ្យខ្លួនជាអ្នកគ្រប់គ្រងក្រុមហ៊ុន។
យ៉ាងណាមិញ បច្ចេកវិទ្យារបស់ក្រុមហ៊ុន Huawei នឹងត្រូវបានប្រើប្រាស់នៅលើរថយន្តអគ្គិសនីម៉ាក Avatr ខាងលើតែម្តង៕
ផ្ទាំងផ្សាយពាណិជ្ជកម្ម
