Hyundai Palisde គឺជារថយន្ត SUV ប្រណីត និងទំនើបបំផុតមួយរបស់កូរ៉េ ដែលទទួលបានការចាប់អារម្មណ៍យ៉ាងខ្លាំង។ ឥឡូវក្រុមហ៊ុនរថយន្តនេះបានបញ្ចេញរថយន្ត Palisade ម៉ូដែលថ្មីមួយទៀតហៅថា Palisade Calligraphy ដែលបំពាក់លក្ខណៈពិសេសកាន់តែទំនើប។
រថយន្ត Palisade Calligraphy មានបំពាក់ប៉ាណាមុខប្លែកខុសពីម៉ូដែល Palisade ធម្មតា, មានតុបតែងបន្ថែមក្រូម៉េ និងយ៉ាន់ Alloy ទំហំ ២០អ៊ីញទៀតផង។
អ្វីដែលរឹតតែពិសេស គឺកាប៊ីនខាងក្នុង ដែលមានបំពាក់គ្រឿងបរិក្ខាកាន់តែប្រណីត។ មិនតែប៉ុណ្ណោះ វាបំពាក់កុងទ័រឌីជីថលទំហំ ១២,៣អ៊ីញ និងកៅអីស្បែក Nappa Leather ដែលមានមុខងារបញ្ចេញខ្យល់ និងកម្តៅផងដែរ។ ក្រៅពីនោះគឺ វាបំពាក់កៅអីធំនៅជួរទី២, ប្រព័ន្ធសំឡេង Harman Kardon និងអេក្រង់កម្សាន្តទំហំ ១០,២៥អ៊ីញ មានមុខងារផែនទី GPS Navigation ទៀតផង។
រថយន្ត Hyundia Palisade Calligraphy បំពាក់ម៉ាស៊ីនចំណុះ ៣,៨លីត្រ V6 មានកម្លាំង ២៩១សេះ ប្រើប្រអប់លេខអូតូ ៨វគ្គ និងប៉ុងពីរ។ វានឹងចេញលក់នៅលើទីផ្សារសហរដ្ឋអាមេរិក នៅចុងខែកក្កដានេះតែម្តង ហើយតម្លៃវានឹងត្រូវប្រកាសនាពេលក្រោយ៕
