[ទីផ្សារបរទេស]ក្រុមហ៊ុនផលិតរថយន្ត Kia គ្រោងនឹងបើកទទួលការកក់ទុកមុននៅរថយន្តអគ្គិសនីសុទ្ធ Kia EV9 ស៊េរីឆ្នាំ ២០២៤ នៅថ្ងៃទី ១៦ ខែតុលា ឆ្នាំ ២០២៣ ហើយនឹងផ្តល់ជូនអតិថិជននៅជម្រើសម៉ូដែលចំនួន ៤ ផ្សេងគ្នាសម្រាប់ជ្រើសរើសសម្រាប់នៅទីផ្សារសហរដ្ឋអាមេរិក ។
ក្នុងនោះ ក្រុមហ៊ុន Kia នឹងបើកការកក់នៅរថយន្ត SUV ថ្មីរបស់ពួកគេ ជាមួយកក់ទុកជាមួយនឹងការកក់នៅតម្លៃ ៧៥០ ដុល្លារ ជាមួយការផ្តល់ប្រាក់ពេញមកវិញ នៅលើ website Kia.com ជាមួយម៉ូដែល Light Long Range RWD, Wind AWD, Land AWD និង GT-Line AWD ជាម៉ូដែលខ្ពស់ជាងគេផងដែរ។
ទាក់ទងទៅនឹងការបើកបរវិញ សម្រាប់ម៉ូដែល Light Long Range RWD ដំណើរការដោយម៉ូទ័រអគ្គិសនីចំនួន ១ មានកម្លាំង ២០១ សេះ ផ្គួបជាមួយអាគុយទំហំ ៩៩,៨ គីឡូវ៉ាត់ម៉ោង អាចបើកបរបានចម្ងាយ ៤៨៣ គីឡូម៉ែត្រ ។
ជាមួយគ្នានេះ គេរំពឹងថាក្រុមហ៊ុនផលិតរថយន្ត Kia នឹងប្រកាសតម្លៃសម្រាប់ម៉ូដែលទាំងអសមុនពេលបើកទទួលការកក់បើកនៅលើ website របស់ខ្លួន៕
