[បរទេស] ក្រុមហ៊ុនផលិតរថយន្ត Kia បានធ្វើការដាក់បង្ហាញចេញនៅរូបថតជាផ្លូវការ និងព័ត៌មានដំបូងអំពីរថយន្ត Kia Carnival ស៊េរីឆ្នាំ ២០២៥ ប្រភេទ Minivan ដែលទទួលបានការកែមុខមាត់ថ្មី ប្រើម៉ាស៊ីនកូនកាត់ Hybrid មុនការចេញលក់នៅលើទីផ្សារនៅក្នុងទីផ្សារប្រទេសកូរ៉េខាងត្បូងនៅខែក្រោយ។
សម្រាថយន្តស៊េរីទំនើបនេះទទួលបាននៅភាសារចនាចុងក្រោយបង្អស់របស់ Kia ក្នុងនោះចំណុចលេចធ្លោនៃផ្នែកខាងក្រៅគឺផ្នែកខាងមុខដែលបានរចនាឡើងវិញ ស្រដៀងគ្នាទៅនឹងរថយន្ត Kia Sorento ខណៈម៉ូដែលខ្ពស់ជាងគេទទួលបានប៉ាណាមុខរចនាសម្រាប់ផ្ទាល់ខ្លួន អបសងខាងដោយចង្កៀងបំភ្លឺប្រភេទគុជចំនួន ៤ ជាមួយអំពូលបំភ្លឺពេលថ្ងៃរាងស្លីម LED ព្រមទាំងថាសកង់ស្ព័រដែលដូចទៅនឹងរថយន្តប្រើអគ្គិសនីសុទ្ធ និងចង្កៀងក្រោយ LED អូសកាត់វែង ។
សម្រាប់រូបថតនៃផ្នែកខាងក្នុង ក្រុមហ៊ុន Kia មិនទាន់បង្ហាញនៅឡើយនោះទេ ប៉ុន្តែត្រូវបានគេរំពឹងថា Carnival នឹងទទួលបានកុងទ័របង្ហាញព័ត៌មានឌីជីថលដែលមានរាងកោងជាមួយនឹងអេក្រង់កំសាន្តទំហំ ១២,៣ អ៉ីញ រួមផ្សំជាមួយនឹងជម្រើសគ្រឿងតុបតែងថ្មី ក៏ដូចជាជម្រើសន ៧កៅអី ឬ ៨កៅអី។
ទាក់ទងទៅផ្នែកម៉ាស៊ីនវិញ Kia Carnival ត្រូវបានគេបញ្ជាក់ថាត្រូវបានផ្តល់ជូនជាមួយនឹងម៉ាស៊ីនកូនកាត់ hybrid រួមជាមួយនឹងជម្រើសម៉ាស៊ីនសាំង និងម៉ាស៊ូតចំណុះ ១,៦ លីត្រ turbocharged ៕
