[បរទេស] ក្រុមហ៊ុនផលិតរថយន្ត Kia បានធ្វើការដាក់បង្ហាញចេញនៅរថយន្ត Kia Clavis ស៊េរីឆ្នាំ ២០២៥ ប្រភេទ SUV ខ្នាតកណ្តាល ក្នុងប្រទេសឥណ្ឌា មាន ៥ពណ៌ រួមមាន ស ប្រផេះ ខ្មៅ ក្រហម ខៀវ និង ទឹកក្រូច ហើយការសម្ពោធរថយន្តនេះជាផ្លូវការ ទំនងជានឹងធ្វើឡើងនៅចុងឆ្នាំនេះ ឬដើមឆ្នាំក្រោយ។
ចំពោះផ្នែកខាងក្រៅមានការឌីស្សាញមានលក្ខណៈទាក់ទាញភ្នែកដោយមានការរចនាប៉ាណាដ៏ធំរាងជាអក្សរ W អមសងខាងដោយចង្កៀងមុខបញ្ឈរទាំងសងខាងនិងចង្កៀងខាងក្រោយរាងជាអក្សរ L ប្រភេទ LED, ថាសកង់ស្ព័រ និងមានបំពាក់ រ៉ាដា និង កាមេរ៉ា ៣៦០ ជាដើម៕
វាដំណើរការដោយម៉ាស៊ីនសាំងចំណុះ ១,៦ លីត្រ turbo អាចផលិតកម្លាំងបានសរុប ១១៨សេះ និងម៉ាស៊ីនម៉ាស៊ូតចំណុះ ១,៥លីត្រ អាចផលិតកម្លាំងបានសរុប ១១៤សេះ ភ្ជាប់ដោយប្រអប់លេខដៃនិងអូតូជាស្តង់ដារ។
សម្រាប់ផ្នែកខាងក្នុងមានបំពាក់អេក្រង់ទំហំ ១០,២អ៊ីញ, ដំបូល Panoramic, កៅអីខ្យល់មុខ-ក្រោយ, ស្រោមពូកស្បែក និងរន្ធ AC នៅផ្នែកខាងក្រោយ៕
