[បរទេស] ពានរង្វាន់រថយន្តពិភពលោក The World Car Awards ដែលបានធ្វើឡើងនៅក្នុងពិព័រណ៍រថយន្ត New York Auto Show ដោយរថយន្ត Kia EV9 មិនត្រឹមតែឈ្នះពានរង្វាន់ជារថយន្តអគ្គិសនីល្អជាងរបស់ពិភពលោកប៉ុណ្ណោះទេ ព្រមទាំងបានឈ្នះពានរង្វាន់ជារថយន្តពិភពលោកប្រចាំឆ្នាំផងដែរ។
ការឈ្នះរបស់រថយន្ត Kia EV9 ត្រូវបានបោះឆ្នោតពីអ្នកសារព័ត៌មានមកពីប្រទេសចំនួន ២៩ ក្នុងនោះប្រធាន និងជានាយកប្រតិបត្តិក្រុមហ៊ុន Kia លោក Ho Sung Song បាននិយាយថា ជោគជ័យរបស់ Kia EV9 នឹងជំរុញឱ្យយើងបន្តផ្តល់ជូននូវយានជំនិះពិសេសដែលកំណត់បទពិសោធន៍នៃការបើកបរឡើងវិញសម្រាប់អតិថិជនជុំវិញពិភពលោក។
ផ្ទាំងផ្សាយពាណិជ្ជកម្ម
មិនត្រឹមតែប៉ុណ្ណោះ ក៏មានរថយន្តមកពីក្រុមហ៊ុន Hyundai Motor Group ឈ្នះពានរង្វាន់ផ្សេងទៀត ជាក់ស្តែងដូចជារថយន្ត Ioniq 5 N បានឈ្នះពានរង្វាន់រថយន្តមានការបើកបរល្អជាងគេ World Performance Car ផងដែរ ៕
ផ្ទាំងផ្សាយពាណិជ្ជកម្ម
