ក្រុមហ៊ុន Kia បានធ្វើការបង្ហាញចេញនូវរថយន្តប្រើប្រាស់អគ្គិសនី Niro ឆ្នាំ២០២៣ នៅថ្ងៃទី២៥ ខែវិឆ្ឆិកា ឆ្នាំ២០២២ នេះក្នុងកម្មវិធី Seoul Mobility Show ក្នុងប្រទេសកូរ៉េខាងត្បូង។
ផ្នែកខាងក្នុងនៃរថយន្ត Kia Niro ឆ្នាំ២០២៣ ត្រូវបានឌីស្សាញថ្មីទៅលើតាប្លូ ព្រមទាំងបំពាក់ជាមួយអេក្រង់កម្សាន្តប្រភេទ TouchScreen ដែលត្រដៀងទៅនឹង Kia Sportageផងដែរ។
បន្ថែមជាមួយផ្នែកខាងក្រៅបំពាក់នូវអំពូល LED អមដោយភ្លើងពេលថ្ងៃ និងផ្នែកខាងក្រោយមានភ្លើងLED និងទ្បូហ្គោ Kia ដែលមានការយកលំនាំទៅតាមគំរូរថយន្ត HabaNiro កាលពីឆ្នាំ២០១៩ ដែលបានដាក់បង្ហាញនៅក្នុងទីក្រុង New York កន្លងទៅនេះ។
ខណៈពេលដែលមិនទាន់មានព័ត៌មានលម្អិតអំពីម៉ាស៊ីនសម្រាប់ម៉ូឌែលជំនាន់ទី ២ ឆ្នាំ២០២៣ ច្បាស់ការនៅទ្បើយ ក្រុមហ៊ុន Kia ក៏បានបង្ហើបអោយដឹងដែរថារថយន្ត Niro ឆ្នាំ២០២៣ នឹងមានជម្រើសម៉ាស៊ីន Hybrid, Plug-in hybrid និងអគ្គិសនីសុទ្ធ ចាប់ពីឆ្នាំក្រោយទៅ។
សម្រាប់រថយន្ត Kia Niro នឹងចេញផ្លូវការ សម្រាប់ទីផ្សារសហរដ្ឋអាមេរិចនាពេលខាងមុខ៕
