ក្រុមហ៊ុន Kia បានប្រកាសចេញរថយន្ត Niro Hybrid និង Niro Plug-in Hybrid ស៊េរីឆ្នាំ២០២១ ជាផ្លូវការ ដោយទទួលបានការអាប់ដេតជាច្រើនលើផ្នែកសុវត្ថិភាព និងបច្ចេកវិទ្យា។
ក្រៅពីការបំបាក់មុខងារសុវត្ថិភាពថ្មី រថយន្តទាំងពីរម៉ូដែលខាងលើក៏បានបំពាក់អេក្រង់កម្សាន្ត ទំហំ ៨អ៊ីញ ដែលអាចភ្ជាប់មុខងារ Apple CarPlay និង Android Auto ដោយមិនចាំបាច់ប្រើខ្សែបានផងដែរ។ ជាមួយគ្នានេះ មុខងារ Smart Key របស់វាអាចបញ្ជាបញ្ឆេះម៉ាស៊ីនពីចម្ងាយទៀតផង។
រថយន្ត Niro Hybrid ឆ្នាំ២០២១ មានតម្លៃចាប់ពី ២៤ ៦៩០ដុល្លារ សម្រាប់ទីផ្សារបរទេស។ វាមានបំពាក់ម៉ាស៊ីនសាំងចំណុះ ១,៦លីត្រ ដំណើរការជាមួយម៉ូទ័រអគ្គិសនីមួយ និងអាគុយ Hybrid ទំហំ ១,៥៦គីឡូវ៉ាត់ម៉ោងមួយ មានកម្លាំងសរុប ១៣៩សេះ។ ចំពោះកម្រិតស៊ីសាំងរបស់វា គឺ ៤,៧លីត្រ/១០០គីឡូម៉ែត្រ។
ដោយឡែក ចំពោះរថយន្ត Niro Plug-in Hybrid វិញ មានតម្លៃចាប់ពី ២៩ ៥៩០ដុល្លារ។ វាបំពាក់ម៉ាស៊ីនសាងចំណុះ ១,៦លីត្រ ដូចម៉ូដែល Niro Hybrid ដែរ ប៉ុន្តែប្រើម៉ូទ័រអគ្គិសនីកម្លាំងខ្លាំងជាង និងអាគុយទំហំធំជាង ដល់ ៨,៩គីឡូវ៉ាត់ម៉ោង ដែលបង្កើតកម្លាំងបានសរុប ១៣៩សេះ។ រថយន្តនេះក៏អាចបើកបរដោយប្រើអាគុយអគ្គិសនីសុទ្ធចម្ងាយ ៤២គីឡូម៉ែត្រ នៅពេលសាកភ្លើងពេញម្តង៕
