កាលពីថ្ងៃទី ១៣ ខែកុម្ភៈ ឆ្នាំ២០២៥ ក្រុមហ៊ុន Kia បានបើកការបញ្ជាទិញទុកមុន លើរថយន្ដភីកអាប់ដំបូងរបស់ខ្លួនគឺរថយន្ដ Kia Tasman ក្នុងទីផ្សារប្រទេសកូរ៉េខាងត្បូង។ នៅទីផ្សារអូស្រ្ដាលី Kia Tasman ប្រើចង្កូតស្ដាំអាចនឹងមានវត្តមាននៅពាក់កណ្ដាលឆ្នាំ២០២៥ យោងតាមការប្រកាសពីក្រុមហ៊ុន។
ចំណែកនៅទីផ្សារប្រទេសកម្ពុជាវិញ រថយន្ដប្រេនកូរ៉េខាងត្បូងមួយនេះ ក៏នឹងមានវត្តមានក្នុងពេលឆាប់ៗនេះផងដែរ យោងតាមការបញ្ជាក់របស់ក្រុមហ៊ុន Kia Cambodia។
តម្លៃនៅទីផ្សារបរទេសលើរថយន្ដ Kia Tasman ទាំង៤ម៉ូដែល៖
- ម៉ូដែល Dnamic មានតម្លៃលក់ ២៥ ៨៤១ ដុល្លារ
- ម៉ូដែល Adventure មានតម្លៃលក់ ២៨ ៣២២ ដុល្លារ
- ម៉ូដែល Extreme មានតម្លៃលក់ ៣០ ៩៤០ ដុល្លារ
- ម៉ូដែល Xpro មានតម្លៃលក់ ៣៦ ១០៩ ដុល្លារ
ផ្ទាំងផ្សាយពាណិជ្ជកម្ម
រថយន្ដ Kia Tasman ក៏មានជម្រើសប្រាស់ទាំងម៉ាសូតនិងសាំងផងដែរ ដើម្បីផ្ដល់ភាពងាយស្រួលដល់អតិថិជនរបស់ខ្លួនទិញយកទៅប្រើប្រាស់។
- ម៉ាស៊ីនម៉ាស៊ូតចំណុះ ២,២ លីត្រ ជំនួយដោយ Turbo អាចផលិតកម្លាំងបាន ២០៧ សេះ និងកម្លាំងរមួល ៤៤១ ញ៉ូតុនម៉ែត្រ ភ្ជាប់ដោយប្រអប់លេខអូតូ ៨វគ្គ និងប្រអប់លេខដៃ ៦វគ្គ និង ម៉ាស៊ីនសាំងចំណុះ ២,៥ លីត្រ អាចផលិតកម្លាំងបាន ២៧៧ សេះ និងកម្លាំងរមួល ៤២១ ញ៉ូតុនម៉ែត្រ ភ្ជាប់ដោយប្រអប់លេខអូតូ ៨វគ្គ និងប្រអប់លេខដៃ ៦វគ្គ។
- Kia Tasman ក៏ភ្ជាប់ជាមួយជម្រើសនៃការបើកបរ Drive Mode ដូចជា Desert បើកនៅផ្លូវខ្សាច់, Mud បើកនៅផ្លូវភក់ , Snow បើកនៅផ្លូវព្រិល និង Rock សម្រាប់ផ្លូវដែលមានថ្ម៕
ផ្ទាំងផ្សាយពាណិជ្ជកម្ម
