ក្រុមហ៊ុន Jaguar Land Rover បានធ្វើការកោះហៅរថយន្ត Discovery ស៊េរីឆ្នាំ២០២០-២០២១ របស់ខ្លួននៅក្នុងប្រទេសអូស្ត្រាលីចំនួន ៥៤គ្រឿងត្រលប់ទៅវីញ បន្ទាប់ពីពិនិត្យឃើញមានបញ្ហាទៅលើប្រព័ន្ធខ្សែក្រវ៉ាត់សុវត្ថិភាព។
សេចក្តីជូនដំណឹងអំពីការប្រមូលទៅវិញ ដែលបានដាក់ជូននៅនាយកដ្ឋានហេដ្ឋារចនាសម្ព័ន្ធ និយាយថា “ប្រព័ន្ធឧបករណ៍ចាប់សញ្ញា (ODS) ប្រហែលជាមិនត្រូវបានដំឡើងនៅកៅអីអ្នកដំណើរខាងមុខ ដែលជាលទ្ធផលវានឹងមិនមានការព្រមាន ប្រសិនបើខ្សែក្រវ៉ាត់កៅអីអ្នកដំណើរមិនជាប់។
ប្រសិនបើអ្នកបើកបរមិនបានដឹងខ្លួនថា អ្នករួមដំណើរខាងមុខមិនពាក់ខ្សែក្រវ៉ាត់សុវត្ថិភាពទេ នោះក្នុងករណីមានឧបទ្ទវហេតុកើតឡើង វានឹងបណ្តាលអោយរងរបួស ឬស្លាប់ចំពោះអ្នកដំណើរខាងមុខបាន។ ខណៈពេល អ្នកនាំពាក្យក្រុមហ៊ុន Jaguar Land Rover ប្រចាំប្រទេសអូស្ត្រាលី ពុំទាន់ធ្វើការអធិប្បាយបានភ្លាមៗទេចំពោះរឿងនេះ ដោយរង់ចាំមានការវិវឌ្ឍន៍ថ្មី៕
