ក្រុមហ៊ុន Lexus បានធ្វើការប្រកាសអំពីតម្លៃ និងSpece នៃរថយន្ត Lexus LX 570 S សម្រាប់ទីផ្សារអូស្ត្រាលី។
ជាមួយតម្លៃចាប់ពី ១២៩ ៤៨៣ដុល្លារ វាបានភ្ជាប់មកជាមួយពណ៌ខ្លួន Sinc Quartz ឬ Starlight Black និងបំពាក់ជាមួយការឌីស្សាញប៉ាណាមុខថ្មី, កាងថ្មី, ថាសកង់ទំហំ ២១អ៊ីញ, ឡូហ្គូអក្សរ S នៅលើទ្វាខាងក្រោយ, ចង្កឹះលេខបែបស្ព័រ និងឡូហ្គូអក្សរ LX S នៅលើទ្វាខាងក្រោយ។
ផ្ទាំងផ្សាយពាណិជ្ជកម្ម
Lexus LX 570 S បំពាក់ជាមួយម៉ាស៊ីន ៥,៧លីត្រ V8 កម្លាំង ២៧០kW ឬ ៣៦២សេះ និងកម្លាំងបង្វិល ៥៣០Nm ដំណើការដោយប្រអប់លេខ ៨វគ្គអូតូ។ វាមានសម្ថភាពក្នុងការអូសសណ្តោងបានទម្ងន់ ៣៥០០គីឡូក្រាម និងស៊ីប្រេងចាប់ពី ១៤,៤លីត្រ សម្រាប់ចម្ងាយ ១០០គីឡូម៉ែត្រ។
បន្ថែមពីនេះ អតិថិជនក៏អាចជ្រើសរើសនូវម៉ូឌែលចំនួន ៣ប្រភេទផ្សេងផងដែរ។
- Lexus LX 450d មានតម្លៃចាប់ពី ១០៥ ៥៩៩ដុល្លារ បំពាក់ជាមួយម៉ាស៊ីនម៉ាស៊ូត ៤,៥លីត្រ V8 កម្លាំង ២៦៨សេះ។
- Lexus LX 570 មានតម្លៃចាប់ពី ១១២ ៥០៤ដុល្លារ
- Lexus LX 570 Enhancement Pack មានតម្លៃចាប់ពី ១២៦ ៩២៨ដុល្លារ៕
ផ្ទាំងផ្សាយពាណិជ្ជកម្ម
