Lexus បានដាក់ពាក្យស្នើសុំកម្មសិទ្ធិបញ្ញាសម្រាប់ឈ្មោះចំនួនពីរដល់ការិយាល័យកម្មសិទ្ធិបញ្ញានៅអឺរ៉ុប ដែលក្នុងនោះមានឈ្មោះ NX350h និងឈ្មោះ NX450+ ដែលគួរឲ្យចាប់អារម្មណ៍ជាងគេ។
”Plus” នៅជាប់នឹង NX450+ អាចសន្និដ្ឋានបានថាវាទំនងជារថយន្តប្រភេទ PHEV ហើយវានឹងមានប្រើប្រាស់ប្រព័ន្ធម៉ាស៊ីនដូចមាននៅលើ Toyota RAV4 Prime ដែលជាប្រភេទ PHEV ដូចគ្នា។ ប្រព័ន្ធម៉ាស៊ីនរបស់ RAV4 Prime មានគួបផ្សំដោយម៉ាស៊ីនសាំង ២,៥ លីត្រ កម្លាំង ១៧៦ និងម៉ូទ័រអគ្គិសនីចំនួនពីរដែលមានកម្លាំងសរុប ៣០២ សេះ។
សម្រាប់ការបើកបរដោយប្រើថាមពលអគ្គិសនីសុទ្ធលើរថយន្ត RAV4 Prime មិនទាន់មានការបញ្ជាក់នៅឡើយទេ។ ប៉ុន្តែរំពឹងថាវានឹងផ្ដល់រយៈចម្ងាយបានច្រើនគួរសម ដោយសារមានអាគុយទំហំធំ ដែលរំពឹងថាអាចជិះបានចម្ងាយ ៦២គ.ម ពេលសាកភ្លើងពេញ។
គួរដឹងថា PHEV គឺមកពីពាក្យ Plug-in Hybrid ដែលសំដៅដល់ប្រភេទរថយន្ត Hybrid ដែលអាចសាកភ្លើងបាន ខុសពីរថយន្ត Hybrid ធម្មតា៕
