កាលពីថ្មីៗនេះ Lexus បានបង្ហាញចេញរថយន្តម៉ូដែល LX ស៊េរីពិសេស រួចមកបានបញ្ចេញរថយន្ត ES ស៊េរីពិសេស ហើយពេលនេះក្រុមហ៊ុនបានបញ្ចេញរថយន្ត RX ស៊េរីពិសេសបន្ថែមមួយទៀត។
រថយន្ត Lexus RX ស៊េរីពិសេសមានឈ្មោះថា RX Black Line ដែលនឹងមានផលិតត្រឹម ១០០០គ្រឿងប៉ុណ្ណោះ ក្នុងនោះមាន RX 350 ចំនួន ៧៥០គ្រឿង និង RX Hybrid ចំនួន ២៥០គ្រឿង ដែលរថយន្តពិសេសនេះមានពាំនាំលក្ខណៈពិសេសមួយចំនួនរបស់ប្រភេទ F Sport។
RX Black Line មានចំណុចពិសេសដូចជាយ៉ាន់កង់ទំហំ ២០អ៊ីញថ្មីពណ៌ខ្មៅ, ផ្ទាំងប៉ាណាមានក្រូម៉េ, កៅអីស្បែកពណ៌ខ្មៅដែលមានរំលេចពណ៌សនិងពណ៌ខ្មៅ។ គួរដឹងដែរថា RX Black Line មានជម្រើសពណ៌ចំនួនពីរគឺពណ៌ Ultra White និងពណ៌ថ្មីឈ្មោះ Grecian Water។
រថយន្ត RX Black Line នេះមានតម្លៃ ៥០ ៦៣៥ដុល្លារ សម្រាប់ RX 350 និងសម្រាប់ RX Hybrid វិញមានតម្លៃ ៥១ ៨៨៥ដុល្លារ៕
