Maxus ចេញរថយន្តអគ្គិសនី T90 លើទីផ្សារប្រទេសចិន សាកថ្មម្តងបើកបាន ៥៣៥ គីទ្បូម៉ែត្រ

[ទីផ្សារបរទេស] ក្រុមហ៊ុន Maxus បានធ្វើការបង្ហាញចេញនូវរថយន្តអគ្គិសនីថ្មី T90 ឆ្នាំ២០២២ លើទីផ្សារប្រទេសចិន ។

រថយន្តនេះមានប្រវែងសរុប ៥ ៣៦៥ មម ទទឹង ១ ៩០០ មម កម្ពស់ ១ ៨០៩ មម និងប្រវែងគម្លាតកង់ ៣ ១៥៥ មម។ វាបានបំពាក់ជាមួយម៉ុទ័រខាងមុខចំនួនមួយអាចផលិតកម្លាំង ១៧៤សេះ និងកម្លាំងរមួល ៣១០ ញ៉ូតុនម៉ែត្រ ដែលទទួលបានជំនួយពីអាគុយដែលមានថាមពល ៨៨,៥ គីទ្បូវ៉ាត់ម៉ោង ដែលសាកពេញម្តងអាចធ្វើដំណើរបានដល់ ៥៣៥ គីទ្បូម៉ែត្រ។ ខណៈដែលការសាកថ្មីលឿនពី ០ ដល់ ៨០ ភាគត្រូវចំណាយពេល ៤៥ នាទីប៉ុណ្ណឹង។

យ៉ាងណាមិញចំពោះរថយន្ត Maxus  T90 ឆ្នាំ២០២២ មានតម្លៃចាប់ពី ៤៧ ១១៨ ដុល្លារសម្រាប់ទីផ្សារនៅក្នុងប្រទេសចិន៕