ខណៈពេលដែលរថយន្ត Mercedes-Benz E-Class កំពុងស្ថិតក្រោមការអភិវឌ្ឍនៅឡើយ ក្រុមហ៊ុនផលិតរថយន្តអាល្លឺម៉ងនេះ បានប្រកាសចេញនូវម៉ូដែលពិសេស Mercedes-AMG E 63 S Final Edition ថ្មី។
វាជាម៉ូដែលពិសេសដែលផ្តល់ទាំងជម្រើសតួខ្លួន Saloon និង Estate ហើយនឹងត្រូវផលិតមានចំនួនកំណត់ ត្រឹមតែ ៩៩៩គ្រឿងប៉ុណ្ណោះ ខណៈវានឹងដើរតួជាអ្នកផ្តែផ្តាំឲ្យម៉ូដែល E-Class និង AMG ដើម្បីលាជម្រើសម៉ាស៊ីន twin-turbo V8 ហើយនឹងងាកទៅស្រវ៉ាម៉ាស៊ីន Plug-in Hybrid វិញ។
បើនិយាយពីការឌីហ្សាញរបស់វាវិញ ម៉ូដែល Final Edition មានភាពលេចធ្លោខ្លាំង ដោយសារតែការប្រើពណ៌ប្រផេះគ្រើម matte graphite grey magno ជាមួយនឹងយ៉ាន់កង់ AMG forged wheels ទំហំ ២០អ៊ីញ និង តែម special AMG badges បូមរួមជាមួយនឹងកញ្ចប់ Option AMG Night Package ទៀតផង។
នៅពេលបើកទ្វារ រថយន្តនេះនឹងស្វាគមន៍អ្នកជាមួយនឹងឡូហ្គូ AMG បាញ់ចេញពីទ្វាររថយន្តទៅដី។ វាក៏មាន Option កៅអី AMG Performance Seat Package ដែលជាប្រភេទកៅអីស្បែក AMG Nappa leather មានមុខងារកៅអី និងសារ៉េចុចអូតូ ទៀតផង។
ទោះបីជាយ៉ាងណាក៏ដោយ Mercedes-AMG E 63 S Final Edition ថ្មីនេះ នឹងជាម៉ូដែលចុងក្រោយនៃ E-Class ដែលប្រើ twin-turbo ចំណុះ ៤,០លីត្រ V8 មានកម្លាំង ៦០៣សេះ និងកម្លាំងរមួល ៨៥០ញ៉ូតុនម៉ែត្រ៕
