Mercedes EQB លក់តម្លៃចាប់ពីជាង ៦ម៉ឺនដុល្លារឡើងទៅនៅអាល្លឺម៉ង់

Mercedes-Benz បានចាប់ផ្ដើមបើកទទួលការកុម្ម៉ង់ទិញសម្រាប់រថយន្ត EQB ដែលជារថយន្តអគ្គិសនីសុទ្ធក្នុងប្រទេសអាល្លឺម៉ង់ជាផ្លូវការ ដោយទន្ទឹមនឹងនោះក៏បានបញ្ជាក់ថារថយន្តនេះមានតម្លៃចាប់ពីប្រមាណ ៦២ ០០០ដុល្លារ ផងដែរ ដែលជាតម្លៃសម្រាប់ប្រភេទ 300 4Matic។

តម្លៃនេះគឺថ្លៃជាងគូប្រជែងមួយចំនួននៅអាល្លឺម៉ង់ ដូចជារថយន្ត Audi Q4 e-tron ដែលមានតម្លៃចាប់ពីប្រមាណ ៤៧ ៥០០ដុល្លារ រួមទាំងរថយន្ត Volvo XC40 Recharge ដែលមានតម្លៃចាប់ពីប្រមាណ ៥១ ៧០០ដុល្លារ។ យ៉ាងណាក្ដី EQB មានតម្លៃធូរថ្លៃជាងបើប្រៀបនឹង Tesla Model Y Long Range ដែលលក់តម្លៃចាប់ពីជាង ៦៤ ៥០០ដុល្លារ។

ពាណិជ្ជកម្ម

EQB 300 4Matic មានភ្ជាប់ជាមួយ​ម៉ូទ័រអគ្គិសនីមួយគូដែលអាចផលិតកម្លាំងបានសរុប ២២៥សេះ ហើយដំណើរការដោយប្រព័ន្ធបើកបរប៉ុងពីរ។ រថយន្តនេះអាចស្ទុះដល់ ១០០គ.ម/ម៉ ដោយប្រើពេល ៨វិនាទី ជាមួយល្បឿនអតិបរមា ១៦០គ.ម/ម៉ និងមានអាគុយទំហំ ៦៦,៥kWh៕

Sponsored